വയനാടന്‍ വര്‍ത്തമാനങ്ങള്‍ ...

വേലികളെ തിന്നു തീര്‍ത്ത മതിലുകള്‍ .....

2011-12-06T04:32:00.000-08:00

പാരിസില്‍ വ്യാപാരമുള്ള കാട്ടിക്കുളം ഭരതന്‍ എന്ന പ്രവാസിയാണ് ആദ്യമായി കൂറ്റന്‍ മതിലും അതിഭയങ്കരന്‍ ലോഹത്തകിടുകള്‍ കൊണ്ടുള്ള ഗേറ്റും ഒക്കെയായി ഞങ്ങളുടെ നാട്ടിന്‍പുറത്തെ അഹംഭാവിയായ ആദ്യത്തെ വീട് പണിയുന്നത്. കുറച്ചു നാളുകള്‍ക്കു ശേഷം ഇരിങ്ങാലക്കുട ബസ് സ്റ്റാന്റില്‍ നിന്നും അലെങ്ങാടന്‍ പാത്രകമ്പനിയുടെ മുന്നിലൂടെ ക്രൈസ്റ്റ് കോളേജിലേക്ക് പോകുന്ന വഴിയില്‍ ഇന്നസെന്റിന്റെ അനിയന്‍ വെല്‍സ് താമസിച്ചിരുന്ന തറവാട് വീടിന്റെ എതിരിലായി മറ്റൊരു വലിയ വീടും വന്നു.

റിമൊട്ട് കണ്‍ട്രോളര്‍ ഉപയോഗിച്ച് തനിയെ തുറക്കുന്ന വലിയൊരു ഗേറ്റും അതിനടുത്ത കാവല്‍ക്കാരന്റെ മുറിയുമായിരുന്നു അന്നത്തെ സംസാരവിഷയം.

പിന്നെ ഇന്നസെന്റിന്റേതടക്കം ധാരാളം വലിയ വീടുകള്‍ വന്നുനിറഞ്ഞു. പോകെ പോകെ ഉയര്‍ന്നു നിരന്നു നില്‍ക്കുന്ന പടുകൂറ്റന്‍ വീടുകള്‍ക്കിടയില്‍ വഴിയറിയാതെ വന്നുപെട്ട പോലെ ബാക്കിയായ ചുരുക്കം ചില ഓടുമേഞ്ഞ വീടുകളായി അത്ഭുതക്കാഴ്ച്ചകള്‍. വലിയ വീടുകള്‍ എന്നതിനേക്കാള്‍

വലിപ്പമേറിയ ഗേറ്റും മതിലും എന്നതായിരുന്നു ഞാന്‍ നടേ പറഞ്ഞ വീടുകളുടെ പ്രത്യേകത ,അത് അത്ര പരിചിതമായിരുന്ന ഒന്നായിരുന്നില്ല ഞങ്ങള്‍ക്ക് .

കാട്ടികുളം ഭരതന്‍റെ വീട് നിന്നിരുന്ന തെങ്ങിന്‍ പറമ്പില്‍ പ്രശസ്തമായിരുന്ന ഒരു കള്ള്ഷാപ്പായിരുന്നു അതിനു മുന്‍പ് ,

ഇത്ര മനോഹരമായ വീട് വെച്ചിട്ടും ഇരിങ്ങാലക്കുട തൃപ്രയാര്‍ ബസ്, വീടിനു മുന്നില്‍ നിര്‍ത്തുമ്പോള്‍ കിളികള്‍ 'ഷാപ്‌ ,ഷാപ്‌' എന്നുതന്നെ ഉറക്കെ വിളിച്ചു പറഞ്ഞുകൊണ്ട് ആ വീടിന്‍റെ അഹംഭാവത്തെ നിരന്തരം തല്ലിക്കെടുത്തികൊണ്ടിരുന്നു.

ഞാന്‍ പറഞ്ഞുകൊണ്ട് വന്നത് മതിലുകളെകുറിച്ചാണ്, മതിലുകളെകുറിച്ച് സംസാരിക്കേണ്ടിവന്നത് , ഞാന്‍ വേലികളേക്കുറിച്ചു പറയാന്‍ ആഗ്രഹിക്കുന്നു എന്നത് കൊണ്ടാണ് .

വലിയ മതില്‍ പണിയുന്നതിനു മുന്‍പ് ഷാപ്പിനെച്ചുറ്റി മനോഹരമായ ഒരു വേലിയുണ്ടായിരുന്നു ആ പറമ്പിന്.

ഇന്നത്തെപ്പോലെ ചെറുപ്പക്കാര്‍ ധാരാളമായി ഷാപ്പുകളില്‍ കയറുക പതിവില്ലാത്തതിനാല്‍ കുറിയ മുണ്ടുടുത്ത ചെത്ത് കാരുടെയും ,വലിയ മീശയുള്ള കുടിയന്മാരുടെയും ഭാഗിക ദൃശ്യവും,ഷാപ്പില്‍ വെന്തു കൊണ്ടിരിക്കുന്ന പലതരം കറികളുടെ എരിവു ഗന്ധവും ആ വേലിക്കുള്ളിലൂടെ നൂണ്ടും പതുങ്ങിയുമാണ് ഞങ്ങളില്‍ എത്തിക്കൊണ്ടിരുന്നത് .

നീരോലി എന്ന് വിളിക്കുന്ന എവിടെ ഒടിച്ചുകുത്തിയാലും പൊടിച്ചു പടരുന്ന ഒരുചെടിയായിരുന്നു ആ വേലിയില്‍ അധികഭാഗവും ,

ചെറിയ മുന്തിരിപോലെ നിറയെ വയലറ്റ് പഴങ്ങള്‍ തൂങ്ങിനിന്നിരുന്ന അതിനെ ഞങ്ങള്‍ കുട്ടികള്‍" മഷിക്കായ ചെടി" എന്നും വിളിച്ചു പോന്നു ,അതിനിടയില്‍ എപ്പോഴും നിറയെ പൂക്കളുമായി ഉയര്‍ന്നു നില്‍ക്കുന്ന മുളകുചെമ്പരത്തി ,

കടുത്ത പച്ചപ്പിനിടയില്‍ നിന്നും ഇടയ്ക്കിടെ തലനീട്ടുന്ന അഗ്നിപുഷ്പങ്ങള്‍ പോലെ" തീപ്പൊരി" എന്ന വള്ളിചെടിയുടെ കുഞ്ഞന്‍ പൂവുകള്‍ , അവിടവിടെയായി കാവടിപോലെ വര്‍ണപൂക്കുലകള്‍ തലയില്‍ ചൂടി കാടാറുമാസം എന്ന് വിളിപ്പേരുള്ള ഹനുമാന്‍ കിരീടം ,

ഞങ്ങള്‍ പേരറിയാതെ ശംഖു പുഷ്പം എന്നുവിളിച്ചുപോന്ന നീലകോളാംബിയും ഒറിജിനല്‍ ശംഖു പുഷ്പവും ..

താനിശ്ശേരിയിലെ വീട്ടിലേക്കുള്ള മണല്‍ വഴിയുടെ രണ്ടുകരകളിലും നിറഞ്ഞു തിങ്ങിയ വേലി വ്യത്യസ്തമായിരുന്നു

എപ്പോഴും ഇരുണ്ട പച്ചപ്പുമായി നിറഞ്ഞു നിന്നിരുന്നത് ഇപ്പോള്‍ തീരെ കാണാതായ കരിങ്ങോട്ട മരങ്ങളായിരുന്നു ,

മാങ്ങാ മാലയിലെ പതക്കങ്ങള്‍ പോലെയുള്ള പച്ചയും പഴുത്തതുമായ കായ്ക്കുലകള്‍ തൂങ്ങുന്ന മരത്തില്‍ നിറയെ പുളിയുറുമ്പുകള്‍ ആയിരുന്നു.

പിന്നെ വെളിച്ചത്തിനായി മത്സരിച്ച് മുകളിലേക്കുയര്‍ന്ന് സ്വന്തം ഭാരത്താല്‍ ചരിഞ്ഞ് വഴിക്ക് മുകളില്‍ തണുപ്പിക്കുന്ന മേല്‍ക്കൂരയോരുക്കി നെടുനീളന്‍ കൈതകള്‍

കൈത പൂവിന്‍റെ മണമോര്‍ക്കാത്ത ആരെങ്കിലുമുണ്ടാകുമോ നാല്‍പതു കടന്നവര്‍ ?

സുഗന്ധങ്ങള്‍ കുപ്പികളില്‍ വന്ന് മൂക്കിനെ വശീകരിച്ചു വഷളാക്കും മുന്‍പ് കാറ്റില്‍ കലര്‍ന്ന് ഞാനൊന്നുമറിഞ്ഞില്ലേ എന്നാ മട്ടില്‍ മുഖത്തുരുമ്മി ഭ്രമിപ്പിച്ചിരുന്നു കൈതപ്പൂവും ,ഇലഞ്ഞിയും ചെമ്പകവുമൊക്കെ ...

അതിന്‍റെ ഇടയിലായിരുന്നു ചെമ്മീന്‍ പുളി എന്ന് പേരുണ്ടായിരുന്ന മുള്‍ചെടി

ഇളം പുളിപ്പുള്ള അതിന്‍റെ പരുപരുത്ത ഇലകള്‍ തിന്നു നോക്കാത്ത ഒരു കുട്ടിയുമുണ്ടായിരുന്നില്ല ഞങ്ങളുടെ നാട്ടില്‍ അന്ന് ....

ഇളം മഞ്ഞയില്‍ വിരിഞ്ഞു നിറയുന്ന വെല്‍ വെട് പോലെയുള്ള അതിന്‍റെ പൂവിന്‍റെ തവിട്ടുനിറമുള്ള ഉള്‍ ഇതള്‍ പേന മൂടികൊണ്ട് അമര്‍ത്തി മുറിച്ച് ഞങ്ങളുടെ കൂട്ടുകാരികള്‍ സ്റ്റിക്കര്‍ പൊട്ടുകള്‍ ഉണ്ടാക്കി...

പിന്നെ ഭംഗി കൊണ്ട് പ്രലോഭിപ്പിച്ചും വിഷം കൊണ്ട് ഭയപ്പെടുത്തിയും കുന്നിമണികള്‍ ..

വേലിയില്‍ പടര്‍ന്ന വള്ളികളില്‍ നിന്നും താഴെ വീണു കിടന്ന് ഇത്തിരി കറുപ്പിന്റെയും കടും ചുവപ്പിന്റെയും അതുല്യമായൊരു കോമ്പിനേഷന്‍ കൊണ്ട് കുന്നിക്കുരുക്കള്‍ കുഞ്ഞുങ്ങളെ പ്രലോഭിപ്പിച്ചു ..

അന്ന് വല്ലപ്പോഴും മാത്രം കേള്‍ക്കുന്ന ആത്മഹത്യകളിലെ പ്രധാന വില്ലന്‍ ഈ കുന്നിക്കുരുക്കള്‍ ആയിരുന്നു ,പിന്നെ അന്ന് കണ്ടു പരിചയമില്ലാതിരുന്ന ഉമ്മത്തിന്‍ കായയും(ഞാന്‍ വല്ലാതെ തേടി നടന്ന മറ്റൊരു കായയുണ്ട് "ഒതളങ്ങ" .. കാട്ടൂര്‍ സ്കൂളിലെ പരിഷ്കാരിയായ ഒരു അദ്ധ്യാപികയെ കുട്ടികള്‍ "ഒതളങ്ങ ടീച്ചര്‍ "എന്നായിരുന്നു വിളിച്ചു വന്നിരുന്നത് ,അതെന്തു കൊണ്ടാവാം എന്നാ കൌതുകത്തില്‍ നിന്നാണ് എന്‍റെ ഒതളങ്ങ തിരയല്‍ ആദ്യം ആരംഭിക്കുന്നത് ,പിന്നെ വെള്ളത്തിലൂടെ വിത്തുവിതരണം നടത്തുന്ന ചെടി എന്നതിന്‍റെ ഉദാഹരണമായി സയന്‍സ് ടീച്ചറും അത് തന്നെനിര്‍ബന്ധിച്ചു പഠിപ്പിച്ചു ,തോട്ടിറമ്പില്‍ നില്‍ക്കുന്ന തെങ്ങില്‍ നിന്ന് വീണ തേങ്ങകള്‍ വെള്ളത്തിലൂടെ ഒഴുകിപോകുന്നത്‌ നിത്യവുംകാണുന്ന എന്നെ അവര്‍ ഒതളങ്ങ ,ഒതളങ്ങ എന്ന് ഇമ്പോസിഷന്‍ എഴുതിച്ചുകൊണ്ടെയിരുന്നു)

വീട് നില്‍ക്കുന്ന പറമ്പിലെ വേലി തീര്‍ത്തും വ്യത്യസ്തമായിരുന്നു ,കിട്ടാവുന്ന തരം ചെടികളൊക്കെയും അമ്മ വേലിക്കല്‍ നട്ടു,

മൈലാഞ്ചി ,ചെമ്പരത്തി ,ഗന്ധരാജന്‍,നന്ദ്യാര്‍വാട്ടം,

ഒരുതരം ചീര , പലവിധംകോഴിവാലന്‍ എന്നിങ്ങനെ എന്തും ..

വര്‍ഷാവര്‍ഷം ഇല്ലിമുള്ളും(പടല് എന്നാണ് മുളയെ ഞങ്ങള്‍ വിളിച്ചു കൊണ്ടിരുന്നത് ,നാടാകെ ചുറ്റിയിട്ടും,മുളയുടെ പറുദീസയായ വയനാട്ടിലെത്തിയിട്ടും ആ ഒരു പേര് ഞാന്‍ പിന്നീടെങ്ങും കേട്ടിട്ടുമില്ല )അട്യ്ക്കാമരത്തിന്റെ വാരികളും കൊണ്ട് കുറുമ്പന്‍ പുലയന്‍ എല്ലാ വര്‍ഷവും അവയെ ബലപ്പെടുത്തിക്കൊണ്ടിരുന്നു.

"പട്ടിയുണ്ട് സൂക്ഷിക്കുക" എന്ന ബോര്‍ഡും നെഞ്ചില്‍ തൂക്കി "കടന്നു പോകരുത് "എന്ന് ആക്രോശിക്കുന്ന തരം മതിലുകളുടെ ക്രൌര്യമായിരുന്നില്ല ആ വേലിക്ക്

പകരം വരൂ ,വരൂ എന്ന് സ്നേഹത്തോടെ അത് പരിചയക്കാരോട് ചിരിക്കുകയും ,ആരാ മനസ്സിലായില്ലല്ലോ എന്ന് അപരിചിതനോട് സൌമ്യമായി സംശയപ്പെടുകയും ചെയ്തു ..

കെട്ടഴിച്ചു വിട്ടു പോറ്റുന്ന അപ്പുനായരുടെ പശുക്കളെയും ,സരോജിനി ചേച്ചിയുടെ ആടുകളെയും മാത്രമായിരുന്നു അമ്മക്ക് തടുത്തു നിര്‍ത്തെണ്ടിയിരുന്നത്‌ ,അവയാകട്ടെ മിക്കപ്പോഴും ആ ദുര്‍ബല പ്രതിരോധത്തെ തകര്‍ത്ത് അകത്ത് കടക്കുകയും എനിക്ക് ധാരാളമായി വഴക്ക് കേള്‍ക്കാനുള്ള അവസരം ഉണ്ടാക്കിവെക്കുകയും ചെയ്തു.

വെളാനിയിലെ സ്കൂള്‍ നിന്നിരുന്ന സ്ഥലം ചരല്‍ പ്രദേശമായിരുന്നു

ധാരാളം കല്ലുവെട്ടുകുഴികളുള്ള ചെമ്മന്നു നിറഞ്ഞ പ്രദേശം ,എന്‍റെ ചങ്ങാതി വര്‍ഗീസിന്റെതടക്കം ധാരാളമായി ക്രിസ്ത്യാനി വീടുകളുണ്ടായിരുന്നു ആ വഴിയില്‍

ബോഗ്ഗൈന്‍ വില്ലകള്‍ കൊണ്ടുള്ള നിറമുള്ള വേലികളായിരുന്നു ആ വീടുകള്‍ക്ക് ,ബോഗൈന്‍ വില്ല എന്ന പേരൊന്നും പരിചയമുണ്ടായിരുന്നില്ല ഞങ്ങള്‍ക്ക് ,കടലാസ് പൂക്കള്‍ എന്നാണ് ഞങ്ങള്‍ പറഞ്ഞിരുന്നത്

ക്രിസ്ത്യാനികളുടെ വീടിന്‍റെ അടയാളമായാണ് കടലാസ് പൂക്കളെ ഞങ്ങള്‍ കുട്ടികള്‍ അന്ന് മനസ്സിലാക്കിയിരുന്നത് ,കടലാസ്സു കൊണ്ടുള്ള തോരണങ്ങളും ക്രിസ്ത്യാനികളുടെത് മാത്രമായിരുന്നു അന്ന്

മുറ്റത്തു കുത്തി നിറുത്തിയ വലിയ വാഴ പിണ്ടികളില്‍ കടലാസ് കൊടികള്‍ ഭംഗിയായി കുത്തിവെച്ചും,കടലാസ് തോരണങ്ങള്‍ തൂക്കിയും അവര്‍ പിണ്ടിപ്പെരുന്നാല്‍ ആഘോഷിച്ചു

പിണ്ടിപെരുന്നാളിനു ശേഷമുള്ള ദിവസങ്ങളില്‍ വര്‍ണകടലാസുകളും ,അല്ലാത്തപ്പോള്‍ കടലാസ് പൂക്കളും കുപ്പിവെള്ളത്തില്‍ ഇട്ടു വെച്ച് ഞങ്ങള്‍ വെള്ളത്തിനു നിറം ചേര്‍ത്തു ..

ചുവപ്പും വെള്ളയും പൂക്കളുള്ള ബോഗൈന്‍ വില്ലകള്‍ അതിരിടുന്ന ചെറിയ മുറ്റം .

മുറ്റത്ത് ഉണക്കാന്‍ നിരത്തിയ നാളികേര മുറികള്‍ ..നാളികേര വെള്ളത്തിന്റെ പുളിപ്പിക്കുന്ന മണം,

ഉണക്ക മാന്തളിന്റെ തലപോലെയുള്ള വെന്തിങ്ങയും കഴുത്തില്‍ തൂക്കി ഷര്‍ട്ടിടാതെ ഇറയത്തിരിക്കുന്ന വര്‍ക്കി മാപ്ല ....

ലാലുപ്രസാദ് യാദവ് എന്ന മന്ത്രിയെ ടെലിവിഷനില്‍ കാണുമ്പോഴൊക്കെ ഞാന്‍ വര്‍ക്കി മാപ്ലയെ ഓര്‍മ്മിക്കുകയും ആ പഴയ കാല കാഴ്ചകളിലേക്ക് അറിയാതെ തലകുത്തിവീഴുകയും ചെയ്യുന്നു ..

വീട്ടു പറമ്പിലെ വേലികളെക്കാള്‍ കുറേക്കൂടി വന്യ സ്വഭാവമുള്ളവയായിരുന്നു പുറം പറമ്പുകള്‍ എന്ന് ഞങ്ങള്‍ വിളിച്ചു പോന്ന ആള്‍താമസമില്ലാത്ത പറമ്പിലെ വേലികള്‍.

കള്ളിചെടികളും,കൊങ്ങിണിയും ഇടതൂര്‍ന്നു വളര്‍ന്നു നിന്നിരുന്ന അതിരില്‍ പുന്നയും മരോട്ടിയും കാഞ്ഞിരമരങ്ങളും വളര്‍ന്നു നിന്നു.

മരത്തണലില്‍ വളരുന്ന പാണല്‍ ചെടികള്‍ക്കിടയിലെ എലികള്‍ തീര്‍ത്ത മാളങ്ങളില്‍ മൂര്‍ഖന്‍ പാമ്പുകള്‍ സുഖ വിശ്രമം കൊണ്ടു..

തേങ്ങയും മടലും പെറുക്കാന്‍ വരുന്ന ചെറുകിട മോഷ്ടാക്കളെ ഒഴിച്ച് മറ്റെല്ലാവരെയും ഭയം കൊണ്ട് അത്തരം വേലികള്‍ അകറ്റി നിറുത്തി .

നന്നായി പഴുത്ത മുള്ളന്‍ പഴങ്ങളും ,പഴുത്ത പാണലും വല്ലാതെ പ്രലോഭിപ്പിക്കുമ്പോള്‍ പോലും കുട്ടികള്‍ അത്തരം വേലികളില്‍ നിന്നും മനപ്രയാസത്തോടെ അകന്നു നിന്നു .

അങ്ങനെ എത്രയോ തരം വേലികള്‍ ..

നായ്ക്കരിമ്പ് എന്ന് വിളിച്ചുപോന്ന കരിമ്പുപോലെയുള്ള ചെടികള്‍ തിങ്ങിനിരഞ്ഞിരുന്ന വേലിയുമായി പാവടിപാലത്തിനടുത്തു തോട്ടിറമ്പില്‍ കുമാരേട്ടന്റെ ചെറിയ വീടുനിന്നിരുന്നു ,

തെക്കേ താനിശ്ശേരിയിലെ വേലന്‍ വൈദ്യന്റെ വീട്ടുവേലിയില്‍ വലിയ ആടലോടകവും ചങ്ങലംപരണ്ടയും ഇണപിരിഞ്ഞുകിടന്നു.

ഏതാണ്ടെല്ലാ വേലികളിലും മോഹിപ്പിക്കുന്ന മണവുമായി കാട്ടുചെമ്പകവും,മുല്ലയും പൂത്തുനിറഞ്ഞു....

എന്തൊക്കെയുണ്ടായിരുന്നു വേലിയില്‍.. ?

എന്തില്ലായിരുന്നു വേലിയില്‍ എന്ന് ചോദിക്കുന്നതായിരിക്കും കുറേക്കൂടി എളുപ്പം ..

കുളത്തിലേക്ക് കുളിക്കാന്‍ പോകുംവഴി നാട്ടിലെ സ്ത്രീകള്‍ക്ക് ഒടിചെടുക്കാന്‍ താളിയായി നീരോലിയും ചെമ്പരുത്തിയും

കയ്യില്‍ ചായമിടാന്‍ മൈലാഞ്ചി

കുഞ്ഞുങ്ങളുടെ മുറിവുണക്കാന്‍ മുറികൂട്ടിപാലയുടെ പശ .

വലിയച്ഛന്റെ ചുമക്ക്‌ ചെറിയാടലോടകം,അമ്മക്ക് ഇത്തിരിക്കൂട്ടാന് ചീരയും കോവലും

കുഞ്ഞുങ്ങള്‍ക്ക് സ്കൂളില്‍ പോകും വഴി പൊട്ടിച്ചു തിന്നാന്‍ പലവിധം കായ്കളും പഴങ്ങളും ,

സ്ലേടു മാക്കാന്‍ മഷിത്തണ്ട് ചെടി ,സ്കൂളില്‍ നേരത്തെ പോയതിന്റെ അടയാളമായി ഓടിച്ചിടാന്‍ ഇലതൂപ്പ് ,

കുട്ടികള്‍ക്ക് കണ്ണില്‍ വെച്ച് തണുപ്പിക്കാന്‍ മഞ്ഞു തുള്ളിയെ കാത്തു വെക്കുന്ന പുല്ലിന്‍ തുമ്പുകള്‍, ഓണക്കാലത്ത് പൂക്കളമിടാന്‍ ധാരാളമായി പലവിധം പൂവുകള്‍ ..

അത്യാവശ്യമായി സ്വയം പ്രതിരോധത്തിനോ,ആക്രമണത്തിനോ ആയി പൊടുന്നനെ ഊരിഎടുക്കാന്‍ ഒരു വേലിപ്പത്തല്‍ ,കാക്കകള്‍ക്ക് കൂടൊരുക്കാന്‍ ചുള്ളിക്കമ്പുകള്‍ ,കുഞ്ഞിക്കുരുവികള്‍ക്ക് കൂടുവെക്കാനും,ചെലാട്ടിക്കിളികള്‍ക്ക് കലപില കൂട്ടാനും പലവിധം ചെടികള്‍ ഓര്‍ത്തെടുക്കാന്‍ ഓരോരുത്തര്‍ക്കും ഇനിയുമേരെയുണ്ടാകും വേലിയില്‍ നിന്നും .....

ചെടികള്‍ക്ക് പുറമേ ജീവിവര്‍ഗങ്ങളും കുറവായിരുന്നില്ല വേലിയില്‍

ഓണക്കാലത്ത് പൂക്കളോടൊപ്പം തുമ്പികളും നിറയും വേലിയില്‍ ,പിന്നെ ചിത്രശലഭങ്ങളുടെ വര്‍ണഘോഷം,

ചുവപ്പും പച്ചയുമായി നിറംമാറി ഒളിക്കുന്ന ഓന്തുകള്‍ ,ഒന്തുകളെ ലക്ഷ്യമിട്ട് ഞാനൊന്നുമറിഞ്ഞില്ല എന്ന ഭാവത്തില്‍ ഉപ്പന്‍ എന്ന ചെമ്പോത്ത് ,കലപിലകൂട്ടികൊണ്ട് കുളകോഴി തള്ളയും കുഞ്ഞുങ്ങളും ,അവയെ നോട്ടമിട്ട് നരച്ച വയസ്സന്‍ കീരി,

പചിലകള്‍ക്കിടയില്‍നിന്നുംപൊടുന്നനെ വെളിച്ചത്താവുന്ന ഒരു പച്ചില പാമ്പ് ,

വേലിക്കൂട്ടില്‍ നിന്നും ധൃതി വെച്ചിറങ്ങി എന്തോ മറന്നെന്ന പോലെ തിരിച്ചു കയറുന്ന വൃത്തിയുള്ള അരണകള്‍,ഇലകളില്‍ തൂങ്ങി ദൈവത്തിനുള്ള എണ്ണയുമായി പോകുന്ന എണ്ണക്കാരന്‍ പുഴു

ജൈവശാസ്ത്രപരമായി നോക്കുമ്പോള്‍ വളരെ ബ്രഹുത്തായ ഒരു ആവാസ വ്യവസ്ഥ കൂടിയായിരുന്നു വേലികള്‍

ഇന്നിപ്പോള്‍ മതിലുകള്‍ വേലികളെ തിന്നുതീര്‍ത്തിരിക്കുന്നു ,

പലതായി പലതവണ മുറിക്കപ്പെട്ട പറമ്പുകളില്‍ നെടുകെയും കുറുകെയും വെയിലേറ്റ് മതിലുകള്‍ പൊള്ളി നില്‍ക്കുന്നു ,

വല്ലപ്പോഴും പറന്നെത്തുന്ന കാക്കകള്‍ പോലും മതിലുകളില്‍ കാലുപൊള്ളി തിരിച്ചു പറക്കുന്നു....

സ്വപ്നത്തിന്‍റെ ദുര്‍ബലവേലികളെ പൊളിച്ച് അടുക്കികൊണ്ട് കൊണ്ട്‌ സത്യത്തിന്‍റെ പെരും കാളഎന്നെ ഭീഷണിപ്പെടുത്തുന്നു

നഷ്ട സ്വര്‍ഗങ്ങളെപ്രതി വിലപിച്ചുകൊണ്ടിരിക്കുന്നവന്‍ ഭീരുവും മടിയനുമാകുന്നു ,

വല്ലാതെ മാറിയ ഒരു ലോകത്തില്‍ ഇത്തരം ചിന്തകള്‍ ശിക്ഷാര്‍ഹം കൂടിയാണ്

പുറത്തു പോകുന്നതിനു മുന്‍പ് വാതിലുകളും ഗേറ്റും ശരിയായി പൂട്ടിയിട്ടുണ്ടോ എന്ന് ഉറപ്പു വരുത്തുക

കഴിയുമെങ്കില്‍ താത്കാലികമായെങ്കിലും ഒരു കാവല്‍ക്കാരനെ നിയമിക്കുക

അവന്‍ വിശ്വസ്തനാണോ എന്നറിയാന്‍ മറ്റൊരാളെക്കൂടി ഏര്‍പ്പാടാക്കിയാല്‍ നന്നായി

കപ്പ ബിരിയാണി

2009-09-14T19:16:00.000-07:00

കപ്പ ബിരിയാണി എന്ന വയനാടന്‍ ഭക്ഷണത്തിന് നവലോകത്തിന്റെ ആഹാര രീതികളെ അഭിസംഭോധന ചെയ്തുകൊണ്ട് ചിലത് സംസാരിക്കാനുണ്ട് ,

വയനാടിന്റെ തനതു ഭക്ഷണമാകുന്നു കപ്പ ബിരിയാണി,

അല്ലെങ്കില്‍ ഭക്ഷണം എന്നത് അപൂര്‍വവും അമൂല്യവുമായിരുന്ന ഒരു ദുരിത കാലഘട്ടത്തിലൂടെ കടന്നു പോയ വയനാടന്‍ കുടിയേറ്റക്കാരന്റെ ജീവിതാനുഭവങ്ങളുടെ നിര്‍മിതിയാകുന്നു കപ്പ ബിരിയാണിയെന്ന ചേരുവ

കപ്പ എന്നത് നിത്യവൃത്തിയുടെയും ,ബിരിയാണി എന്നത് ആടംബരത്തിന്റെയും ഭക്ഷണ അടയാളങ്ങള്‍ ആണെന്നിരിക്കെ ആഹാര ശീലങ്ങളുടെ വിചിത്രമായ ഒരു സങ്കലനം ചുരുക്കം അതിന്റെ പേരിലെങ്കിലുമുണ്ട്

ഏത് സംസ്കാരത്തിന്റെ സ്വാധീനമാണ് എന്നറിഞ്ഞുകൂടാ വയനാട്ടില്‍ ചെറിയ ചായക്കടകള്‍ക്ക് 'മെസ്സ് ' എന്നാണ് പേര് ,കഞ്ഞി ,കപ്പ ബോട്ടി തുടങ്ങിയവയെക്കൂടാതെ കപ്പ ബിരിയാണിയും ഇത്തരം കടകളിലെ പ്രധാന ഇനമാണ് ,നാടന്‍ ഭക്ഷണങ്ങള്‍ക്ക്‌ നവകാലത്ത് വന്നു ചേര്‍ന്നിട്ടുള്ള വ്യാപാരമൂല്യം കൊണ്ടാകണം ചില ഉയര്‍ന്ന തരം ഹോട്ടലുകളിലെ മെനു ചാര്ട്ടുകളിലേക്കും കപ്പക്കും കപ്പ ബിരിയാണിക്കും സ്ഥാനക്കയറ്റം കിട്ടിയിട്ടുമുണ്ട് ഈയിടെ

എന്നാല്‍ വ്യത്യസ്തതമായ ഒരു ഭക്ഷണ പരീക്ഷണം എന്ന നിലയിലല്ല കപ്പ ബിരിയാണിയുടെ ഒറിജിന്‍.
കല്യാണം, പുരയികൂടല്‍ ,പള്ളിപരിപാടികള്‍ തുടങ്ങി ഭക്ഷണം വിളമ്പുന്ന ഏതൊരു ആഘോഷത്തിന്റെയും തലേരാത്രിയിലെ ഭക്ഷണം എന്ന നിലയിലാണ് കപ്പബിരിയാണിയുടെ ഉത്ഭവവും ഉപയോഗവും .
വിലകുരവുള്ളതും ധാരാളമായി ലഭ്യമായതുമായ കപ്പ ,പിറ്റേന്നത്തെ പ്രധാന വിരുന്നിനു വിളമ്പാനായി കശാപ്പ് ചെയ്ത കന്നുകാലിയുടെ ,മുഴനെഞ്ഞിന്‍ കൂട് എന്ന കടുപ്പം കുറഞ്ഞ അസ്ഥികള്‍ ,നാവ് ,നെയ്യ് തുടങ്ങിയ വരേണ്യ മല്ലാത്ത മാംസ ഭാഗങ്ങള്‍ എന്നിവയാണ് കപ്പ ബിരിയാണിയിലെ പ്രധാന ചേരുവകകള്‍
നെല്ല് പുളിപ്പിച്ച് സ്വയം വാറ്റിയെടുത്ത ഒരല്‍പം സ്വയമ്പന്‍ സാധനം കൂടെയുണ്ടെങ്കില്‍ (ഉണ്ടാകും )അത്താഴം അതികേമം

കപ്പബിരിയാണി എന്ന ഭക്ഷണത്തിന്റെ രുചി ,പാകം ,ചേരുവകകള്‍ ,അതിനെ ചുറ്റി പറ്റിയുള്ള ഗൃഹാതുരത്വം (ഗൃഹാതുരത്വം എന്ന വാക്കു കപ്പബിരിയാനിക്ക് ചേരാത്ത വിധം സ്വാത്വികവും ,സൌമ്യവുമാണോ ?,നിലാവ് ,പുഴ ,ഇടവഴികള്‍ ,അമ്പലം തുളസിക്കതിര്‍ എന്നിങ്ങനെയുള്ള അതിന്റെ സ്ഥിരം ബിംബങ്ങളിലേക്ക് കപ്പബിരിയാണിയുടെ എരിവു ഗന്ധത്തിന് എത്തി നോക്കാന്‍ പാടുണ്ടോ ആവോ .?) എന്നിവയെക്കുരിച്ചോന്നുമല്ല ഈ കുറിപ്പ് സംസാരിക്കാന്‍ ഉദ്ദേശിക്കുന്നത്.
(ആ ഇനത്തില്‍ എന്തെങ്കിലും സംശയങ്ങള്‍ ഉള്ളവര്‍ക്ക് പാചക കാര്യത്തില്‍ എന്തിനും മരുപടിയുള്ള എന്റെ സുഹൃത്ത് സപ്നയെ സമീപിക്കാം ) മറിച്ച് കപ്പബിരിയാണി പ്രധിനിധാനം ചെയ്യുന്ന ഒരു ഭക്ഷണ സംസ്കാരത്തിന്റെ ലളിതമായ മര്യാദകളെ ക്കുറിച്ചാണ് നാം സംസാരിക്കുന്നത്

ഭക്ഷ്യ വസ്തുക്കളുടെ ന്യായവും യുക്തവുമായ ഉപയോഗത്തിന്റെ ഏറ്റവും തെളിച്ചമുള്ള അടയാളമാണ് കപ്പ ബിരിയാണി എന്ന വിനീത വിഭവം

കശാപ്പ് ചെയ്ത പോത്ത് എന്ന ഭക്ഷ്യവസ്തുവിന്റെ പരമാവധി ഉപയോഗത്തെയാണ് അത് അടയാളപ്പെടുത്തുന്നത്.
ഭക്ഷിക്കാനാകുന്നത് എന്ന ഒരു അളവുകൊലുകൊണ്ട് മാത്രം ഭക്ഷണത്തെ അളക്കുകയും , നല്ലത് ,ചീത്ത ,ഉത്തമം തുടങ്ങിയ അതിന്റെ അനുബന്ധ തരം തിരിവുകളെ പാടെ നിഷേധിക്കാതെ തന്നെ സന്ദര്‍ഭങ്ങള്‍ ക്കനുസരിച്ച് അതാത് ഭാഗങ്ങള്‍ ഉപയോഗപ്പെടുത്തുകയും ചെയ്യുക എന്നത് ഭക്ഷണത്തിന്റെ വിലയറിഞ്ഞ ഒരു സമൂഹത്തിന്റെ യുക്തിയാകുന്നു.

പ്രധാന ആഘോഷത്തിലെ അതിഥികള്‍ക്ക് പോത്തിറച്ചി വറുത്തും വെച്ചും വിളമ്പുമ്പോള്‍ ,അത്രമേല്‍ സാമൂഹ്യമായി സ്വീകാര്യമല്ലാത്ത ഇതര ഭാഗങ്ങളെ ഉപെക്ഷിച്ചുകളയാതെയുള്ള മാന്യമായ ഒരു ഉപയോങപ്പെടുത്തലാകുന്നു അത് ,ഭക്ഷിക്കാനാവുന്ന ഒന്നും വെറുതെ കളയാനുള്ളതല്ല എന്ന വിനീതമായ ഒരു ഓര്‍മപ്പെടുത്തല്‍ ..

ഒരു നേരത്തെ ഭക്ഷണത്തിന് വകയില്ലാത്ത കോടിക്കണക്കിനു മനുഷ്യരും അവര്‍ക്ക് കഴിക്കാന്‍ വേണ്ടതിന്റെ ഇരട്ടിയിലധികം ഭക്ഷണം നിത്യേന ചവറ്റുകൂനയില്‍ തള്ളുന്ന ഒരു ന്യൂന പക്ഷവും ഒരേ സമയം നിലനില്‍ക്കുന്ന ഒരു രാജ്യമാകുന്നു നമ്മുടേത്‌.

ഭക്ഷണം എന്ന അതിന്റെ പ്രാഥമിക പ്രാധാന്യത്തില്‍ നിന്ന് ,സൌന്ദര്യം ,സാമൂഹ്യ സ്വീകാര്യത ,ആഡംബരം ,എന്നിങ്ങനെ അനവധി അനുബന്ധ തലങ്ങളിലേക്ക് ഭക്ഷ്യവസ്തുക്കളെ നാം തരാം തിരിക്കാന്‍ തുടങ്ങിയിരിക്കുന്നു

പ്രത്യേക തരം ആകൃതിയും വലിപ്പവുമുള്ള കാരറ്റുകള്‍
കൃത്യമായും ഉരുണ്ടതും വലിപ്പമുള്ളതുമായ ഉരുളക്കിഴങ്ങുകള്‍
ചുരുങ്ങിയത് ഇത്ര ഇഞ്ചെങ്കിലും വലിപ്പമുള്ള കരിമീന്‍ ....എന്നിങ്ങനെ പോകുന്നു അതിന്റെ പുതു തരം തിരിവുകള്‍ ..
ഈ അളവുകള്‍ പാലിക്കപ്പെടാത്ത ഭക്ഷ്യ വസ്തുക്കള്‍ ഉപയോഗ ശൂന്യവും ഉപേക്ഷിക്കപ്പെടെണ്ടതുമാകുന്നു എന്ന ഒരു ഭക്ഷണധാരാളിത്തം നവലോകത്ത് വ്യാപകമാവുന്നു

അവനവന് ആവശ്യമുള്ളധിലധികം ഭക്ഷ്യ വസ്തുക്കള്‍ വാങ്ങിക്കൂട്ടുകയും ,അതിലേറെയും പാചകം ചെയ്തോ ചെയ്യാതെയോ ഉപേക്ഷിച്ചുകളയുകയും ചെയ്യുന്ന വാങ്ങല്‍ ശീലങ്ങളിലെ ധനിക ധാരാളിത്തം ഒരു നവ ശീലമായിരിക്കുന്നു , ഒന്നെടുത്താല്‍ മറ്റൊന്ന് ഫ്രീ എന്നാ കോമ്പോ പാക്കുകളുടെ വിപണന തന്ത്രം ഭൂരിപക്ഷത്തിന്റെ അടിസ്ഥാന ആര്‍ത്തിയെ ഉപയോഗപ്പെടുത്തുന്നു .
നൂറും നൂറ്റമ്പതും വിഭവങ്ങളുള്ള 'ബുഫെകള്‍' മനുഷ്യന്റെ മാന്യമായ ഭക്ഷണ ശീലങ്ങളെ പരിഹസിക്കുന്നു .
വീടുകളിലെ തീന്‍ മേശകളില്‍ ,വലിയ ഹോട്ടലുകള്‍ പോലുള്ള വിരുന്നു ശാലകളില്‍ ,ഉപരിവര്‍ഗ കുഞ്ഞുങ്ങള്‍ പഠിക്കുന്ന സ്കൂളുകളിലെ ലഞ്ച് ഹാളുകളില്‍ തുടങ്ങി ക്ഷേത്രം ഊട്ടുപുരകളില്‍ വരെ ഭക്ഷ്യ യോഗ്യമായ ഭക്ഷണം ധാരാളമായി ഉപേക്ഷിക്കപ്പെടുന്നു .

രണ്ടു കോടിയിലേറെ കുഞ്ഞുങ്ങള്‍ (അതില്‍ പകുതിയും ഭക്ഷണക്കുരവിനാല്‍) അഞ്ചാം പിറന്നാളിനും മുന്‍പേ മരിച്ചുപോകുന്ന ഒരു രാജ്യത്തിന്‌ ,കാലാവസ്ഥാ വ്യതിയാനവും,വിള നാശങ്ങളും കോടിക്കണക്കായ മനുഷ്യരെ ജീവന്‍ നിലനിര്‍ത്താന്‍ വേണ്ട അത്രയും ഭക്ഷണത്തിനു പോലും നിവര്‍ത്തിയില്ലാത്തവരാക്കി മാറ്റുകയും ചെയ്യുന്ന മഹാഭാരതത്തില്‍ ഭക്ഷണ ധാരാളിത്തം എന്നെത് ഏറ്റവും ഹീനമായ വൈകൃതമാകുന്നു

ഭക്ഷിക്കാനാകുന്ന എന്തിനെയും എളുപ്പത്തില്‍ തര്‍ജമ ചെയ്യാവുന്നത് ,വെള്ളം ,വെളിച്ചം ,വായു ,മണ്ണ് എന്നിങ്ങനെയാണ് , ആയതു കൊണ്ടുതന്നെ ഭൂമിയില്‍ വിളയിക്കപ്പെടുന്ന ഓരോ ധാന്യവും അതിലെ മുഴുവന്‍ പേര്‍ക്കും അവകാശപ്പെട്ടതാകുന്നു .

ഇന്ത്യന്‍ ഭരണഘടനയുടെ ഇരുപത്തിഒന്നാം വകുപ്പ് മനുഷ്യന്റെ ജീവിക്കാനുള്ള അവകാശത്തെ ഉറപ്പു തരുന്നുണ്ട് ,അങ്ങിനെയെങ്കില്‍ മരിക്കാതിരിക്കാന്‍ വേണ്ട അത്രയും ഭക്ഷണമെങ്കിലും അതിന്റെ പൌരന്മാര്‍ക്ക് ലഭ്യമാക്കേണ്ട ചുമതല അതിന്റെ ഭരണ കൂടത്തിനുണ്ട് .

ആകയാല്‍ ഓരോ പട്ടിണി മരണങ്ങളും ഓരോ കൊലപാതകങ്ങലാകുന്നു.
പാതി കടിച്ച ഒരു പഴമോ, രുചിപിടിക്കാത്തതിനാല്‍ കളഞ്ഞ കുഴച്ചു കൂട്ടിയ ഉച്ചയൂണോ , ചൂട് കുറഞ്ഞതിനാല്‍ മാറ്റിയെടുത്ത ഒരു കപ്പ് സൂപ്പോ ഉപേക്ഷിക്കുന്നവന്‍ മരണത്തിന്റെ ഉത്തരവാദിയുമാകുന്നു

മലയാള സിനിമയില്‍ ഭാര്യയോടു കലഹിക്കുന്ന നായകന്‍ മിക്കപ്പോഴും എണീറ്റ്‌ പോകുന്നത് പാതി കുഴച്ച ഭക്ഷണത്തിനു മുന്നില്‍ നിന്നാണ്
ഒരു കൊലപാതകത്തിലെ പ്രേരണ പ്രതിയായി അയാളെയും കൂട്ടണം നമുക്ക് .

നിലപാടുകള്‍ ഉണ്ടായിരിക്കണം ...

2009-09-09T09:27:00.001-07:00

നിലപാടുകള്‍ ഉണ്ടായിരിക്കണം ...

ശ്രി ശശി തരൂര്‍ എവിടെയൊക്കെയോ തെറ്റായി അവതരിപ്പിക്ക പെട്ടിട്ടുള്ളത് മലയാളത്തിന്റെ അഭിമാനം എന്ന വ്യാജ വിലാസത്തിലാണ്

മലയാളമോ മലയാളിയോ ആയി അദ്ദേഹത്തിനുള്ള ബന്ധത്തെക്കുറിച്ചൊക്കെ ധാരാളമായി ചര്‍ച്ച ചെയ്യപ്പെട്ടിട്ടുണ്ട് പോയ തിരഞ്ഞെടുപ്പ് കാലത്ത് ,നവീന കാലത്തിന്റെ മാത്സര്യ ലോകത്ത് മലയാളം എന്ന വൈകാരിക സങ്കല്‍പ്പങ്ങല്‍ക്കപ്പുരത്തു പ്രായോഗിക യാഥാര്‍ത്യങ്ങള്‍ മേല്‍ക്കൈ നേടണം എന്നതായിരുന്നു നവ യുഗ മലയാളത്തിന്റെ തീര്‍പ്പ് എന്നത് ഭൂരിപക്ഷം കൊണ്ടു അദ്ദേഹം തെളിയിക്കുകയും ചെയ്തിരുന്നു ,നവ തലമുറയുടെ ഐക്കണ്‍ ,ബുദ്ധിജീവി ,എഴുത്തുകാരന്‍ ,സുമുഖന്‍ ,അവസരവാദി ,തറവാടി നായര്‍ തുടങ്ങി സമകാലീന രാഷ്ട്രീയത്തിന്റെ സകല കാര്‍ഡുകളും ഇറക്കി ക്കളിച്ച കളിയില്‍ ശ്രീ ശശി തരൂര്‍ നേടിയ വിജയത്തെ ജനാധിപത്യത്തിന്റെ സാമാന്യ നിയമങ്ങള്‍ അനുസരിച്ച് നാം അംഗീകരിക്കാതെ വയ്യ.

സോണിയ ഗാന്ധിയെ മദാമ്മ എന്ന് വിളിച്ച മുരളീധരന്‍ നിരുപാധികം കീഴടങ്ങിയിട്ടും മൂന്നു രൂപയുടെ മെംബെര്‍ഷിപ്‌ നിഷേധിക്കുന്ന ദേശീയ പാര്‍ട്ടിയുടെ സര്‍വ്വ സമ്മതനായ മന്ത്രിയായി ഇന്ദിരയേയും അടിയന്തിരാവസ്ഥയെയും ഇംഗ്ലീഷില്‍ തെറി പറഞ്ഞ തരൂര്‍ വിലസുന്നതും അദ്ദേഹത്തിന്റെ പ്രഫഷണല്‍ മിടുക്ക് കൊണ്ടു തന്നെയാവണം.

അധികാരത്തിന്റെ ശീതളിമയിലെക്കെത്തുന്ന നേതാക്കളില്‍ പലരും അതിന്റെ മനം മയക്കുന്ന സുഖ ലോലുപതകളില്‍ മയങ്ങി പ്പോകുന്നത് പുതിയ വര്ത്തമാനമോന്നുമല്ല ഇപ്പോള്‍ , അടിസ്ഥാന വര്‍ഗത്തിന്റെ പാര്‍ട്ടിയെന്നു സ്വയം നടിക്കുന്ന സി പി ഐ (എം ) എം പി യുടെ പ്രാതല്‍ പോലും പഞ്ച നക്ഷത്ര ഹോട്ടലില്‍ നിന്നാണെന്ന് മുംബൈ ഭീകരാക്രമണ ദൃശ്യങ്ങള്‍ നമുക്കു കാട്ടി ത്തന്നതാണ്.

അത് കൊണ്ടു തന്നെയാണ് വായില്‍ വെള്ളി കരണ്ടിയുമായി ജനിച്ച ,തിരഞ്ഞെടുപ്പ് പ്രചാരണ ദിവസങ്ങളില്ലാതെ വെയില് കൊണ്ടിട്ടില്ലാത്ത ,ഇന്ത്യന്‍ ജനാധിപത്യ ക്രമത്തില്‍ ഒരിക്കല്‍ പോലും തന്റെ വോട്ടവകാശം മുന്‍പ്‌ ഉപയോഗപ്പെടുത്താന്‍ മെനക്കെടാത്ത ശ്രീ ശശി തരൂര്‍ ,അധികാരത്തിലെത്തിയതിനു ശേഷമുള്ള മൂന്നു മാസവും ദില്ലിയിലെ പഞ്ച നക്ഷത്ര ഹോട്ടലായിരുന്നു താമസം എന്ന വിവരം ഒരു തരത്തിലും നമ്മെ അത്ഭുത പെടുത്തത്തത് .

വളരെ കൃത്യമായ ഒരുത്തരം അദ്ദേഹം നമുക്കായി ട്വീറ്റ്‌ ചെയ്തിട്ടുമുണ്ട് ,അതിങ്ങനെ .
'കേരള ഹൌസ് എന്നത് വൃത്തിയില്ലാത്ത ഒരു സാധനമാണ്‌ ,ആയതിന്റെ ജിം ആകട്ടെ ഒട്ടും സ്വകാര്യത ഇല്ലാത്ത ഒന്നും ,താജില്‍ താമസിക്കുന്നത് എന്റെ സ്വന്തം പണം കൊടുത്തിട്ടുമാണ് ,എന്നിട്ടും നിങ്ങള്‍ പൂച്ചകള്‍ക്കെന്താണ് പൊന്നുരുക്കുന്നിടത്ത് കാര്യം ..?"

എന്നാല്‍ താങ്കള്‍ക്ക് അറിഞ്ഞു കൂടാത്ത ചില സത്യങ്ങള്‍ ഉണ്ട് സര്‍ ,മലയാളികളെ സംബന്ധിച്ചിടത്തോളം ,ഇവറ്റകള്‍ പുസ്തകം വായിക്കുകയും ആയത്‌ ഓര്‍ത്തുവെക്കുകയും ചെയ്യും ,അതുകൊണ്ടാണ് ചെറിയ ചില സംശയങ്ങള്‍...ഇന്ത്യ ,അര്‍ദ്ധ രാത്രി മുതല്‍ അര നൂറ്റാണ്ട്‌ എന്ന് മലയാളം അര്‍ത്ഥം വരുന്ന രീതിയില്‍ താങ്കള്‍ ഒരു ' പൊസ്തകം ' ആംഗലേയത്തില്‍ രചിച്ചത് ഓര്‍ക്കുന്നുവോ ...?

അതിന്റെ മലയാളം തര്‍ജ്ജമ വായിച്ച് രോമാഞ്ചം കൊണ്ട പലരില്‍ ഒരാളാണ് സര്‍ ഞാന്‍ ..അതിന്റെ മുന്നൂറ്റി പന്ത്രണ്ടാം പേജിലെ കിടിലന്‍ വാക്കുകള്‍ കണ്ട് കോള്‍മയിര്‍ കൊണ്ട ഒരു മണ്ടന്‍ .
താങ്കള്‍ അത് മറന്നു കാണും എന്ന് എനിക്കറിയാം ,അതുമല്ലെങ്കില്‍ നിലപാടുകള്‍ എന്നത് സ്ഥായിയായ ഒന്നല്ല എന്ന അങ്ങയുടെ അനുബന്ധ സൂക്തം വായിച്ചിട്ടുള്ളവനുമാണ് ഞാന്‍ ..
എല്ലാ അറിവുകളെയും തത്ക്കാലം പണയം വെച്ചുകൊണ്ട് ,നിലപാടുകളെ തന്നിഷ്ടം പോലെ അടിക്കടി മാറ്റുന്നവരോട് ,ഇരിങ്ങാലകുടക്കാരന്റെ അങ്ങാടിഭാഷയില്‍ ഭാഷയില്‍ ചോദിച്ചോട്ടെ ..
താങ്കള്‍ക്ക് എത്ര മോന്ത ഉണ്ട്..?
മലയാളിക്ക്‌ ഒരു ഉത്തരം നിര്‍ബന്ധമായും വേണം സര്‍ ..

പുസ്തകത്തിലെ മുന്നൂറ്റി പന്ത്രണ്ടാം പേജ് വായിക്കാത്തവര്‍ക്കായി ..
ഐക്യ രാഷ്ട്ര സഭയുടെ പ്രധിനിധിയായി 'മൌര്യ ഷേരട്ടന്‍ ' എന്ന ഇന്ത്യന്‍ പഞ്ച നക്ഷത്ര ഹോട്ടലില്‍ താമസിക്കാന്‍ നിര്‍ബന്ധിതനായ ഒരു ശുദ്ധാത്മാവിന്റെ സങ്കടങ്ങള്‍ ..

" സ്വര്‍ഗത്തിലെ ഒരാഴ്ച മൌര്യ ഷേരട്ടനിലെ ഒരാഴ്ച താമസത്തിന് വെച്ചു മാറാം ,ഒരു വ്യത്യാസവും അനുഭവപ്പെടുകയില്ല ,ബില്ലിനെക്കുരിചോര്‍ത്ത് വിഷമിക്കരുതെന്നു മാത്രം ,അതെ ഹോട്ടലിലെ സമര്‍ത്ഥന്‍ ആയൊരു ജോലിക്കാരന്റെ ഒരുമാസത്തെ ശമ്പളത്തില്‍ കൂടുതല്‍ ഒരു ദിവസത്തെ മുരിവാടകയായി കൊടുക്കേണ്ടി വരുന്നതിനെ ക്കുറിച്ച് എന്ത് പറയാന്‍ ?ഒരു രൂപയുടെ സ്റ്റാമ്പ് കൊണ്ടു ഒരു തടിച്ച കവര്‍ ഇന്ത്യയുടെ ഒരറ്റത്ത് നിന്നു മറ്റേയറ്റം വരെചെന്നെത്തുമെന്നിരിക്കെ ലോക്കല്‍ കോളിന് പള്‍സ്‌ ഒന്നിന് ഏഴ് രൂപ വീതം ഈടാക്കുന്ന ടെലെഫോണ്‍ സിസ്റ്റത്തെ ക്കുറിച്ച് പറഞ്ഞിട്ടെന്തു ഫലം ? നിങ്ങളുടെ സോക്സ്‌ ഒറ്റ ദിവസം കൊണ്ടു വൃത്തിയായി അലക്കിത്തരികയും , അത് വാങ്ങാന്‍ നിങ്ങള്‍ ചിലവഴിച്ചതിന്റെ പത്തിരട്ടി അലക്ക് കൂലി മേടിക്കുകയും ചെയ്യുന്ന ഏര്‍പ്പാട് മോശമാണോ ?സ്വീകരണ മുറിയില്‍ താണു വണങ്ങി നില്ക്കുന്ന പരിചാരകര്‍ നിങ്ങളുടെ അതിഥികളുടെ കുട്ടികള്‍ക്ക് മൂന്നിഞ്ച് ഗ്ലാസ്സില്‍ പകുതി മാത്രം വരുന്ന fanta കൊടുത്തിട്ട് തൊണ്ണൂറു രൂപയും ടാക്സും ചേര്‍ന്ന ബില്ല് തരുമ്പോള്‍ ,ആ തുക കൊണ്ടു വെയിറ്റര്‍ മാരുടെ ഒരാഴ്ചത്തെ ഭക്ഷണ ചെലവ് നടക്കുമെന്ന് നിങ്ങള്‍ ആത്മഗതം ചെയ്തത് കൊണ്ടു എന്ത് ഫലം ?

ഇന്ത്യ കാണാന്‍ വന്ന ഞാന്‍ അമേരിക്കയെയാണ് കണ്ടത് ,ഇന്ത്യക്കാവും വിധം അമേരിക്കയെ അനുകരിക്കാന്‍ ശ്രമിക്കുന്നു ,വില നിലവാരാത്തില്‍ അമേരിക്കയെ കവച്ചു വെക്കുന്നു ,സ്വന്തം കീശയില്‍ നിന്നാണ് പണം മുടക്കുന്നതെങ്കില്‍ കണ്ണ് തള്ളിപോകും ,ഹോട്ടല്‍ നിരക്കുകള്‍ ഡോളറില്‍ കണക്കാക്കിയിട്ട് പിന്നെ രൂപയാക്കി മാറ്റുകയാണെന്ന് തോനുന്നു ,അമേരിക്കക്കാര്‍ മാത്രമല്ല ഇന്ത്യക്കാരും ഇവിടെ വരുന്നുണ്ടെന്ന് ഞാന്‍ കണ്ടു
മാറിയ വ്യവസ്ഥിതിയുമായി പൊരുത്തപെടാത്തത് ഞാന്‍ മാത്രമാണെന്ന് തോന്നുന്നു .."(ഇന്ത്യ ,അര്‍ദ്ധ രാത്രി മുതല്‍ അര നൂറ്റാണ്ട് ,പേജ് നും 312 )

ചന്ദനം മണക്കുമ്പോള്‍ ........

2009-04-27T06:44:00.001-07:00

ഇന്നലെ രാത്രിയില്‍ വീടിനു മുന്നിലെ ചന്ദന മരം ആരോ കട്ട് കൊണ്ട് പോയി ,ആ ഒരു മരം മാത്രമല്ല, ഒരു പാട് ചന്ദന മരങ്ങള്‍ കൊള്ള ചെയ്തതില്‍ ആ മരവും പെട്ടുപോയി ..
വീട് നില്‍ക്കുന്ന കുപ്പാടിക്കുന്ന്‍ ചന്ദന മരങ്ങള്‍ക്ക്‌ പ്രസിദ്ധമാണ് ,മരയൂരിലോളം വരില്ലെങ്കിലും വയനാട്ടില്‍ ഭേദപ്പെട്ട നിലയില്‍ ചന്ദനം വളരുന്ന ഒരു പ്രദേശമാണ് ഇവിടം ...
ഇടയ്ക്കിടെ മുടങ്ങുന്ന പ്രഭാത സവാരിക്കിടയില്‍ ആയതിന്റെ ഒരു കണക്കെടുപ്പുമുണ്ട് എനിക്ക് .....

മോഷണം പോയ മരം സാമാന്യം വലിപ്പമുള്ളതായിരുന്നു ,ഇതാണ് ചന്ദനമരം എന്ന് ഒരുപാട് പേര്‍ക്ക് ഞാന്‍ പരിചയപ്പെടുത്തിയിട്ടുണ്ട് ആ മരത്തിനെ ,അതെയോ എന്ന് കൌതുകത്തോടെ ഇല ഒടിച്ചു മണത്തു നോക്കാറുണ്ട് സാക്ഷാല്‍ മൈസൂര്‍ സാന്റല്‍ സോപ്പിന്റെ നാട്ടുകാര്‍ വരെ ...

പുലര്‍ച്ചെ എണീറ്റ്‌ നോക്കുമ്പോള്‍ കാണാതായത് ആ മരത്തിനെയാണ്‌
പുലര്‍ച്ചെ കാണാതായി എന്ന പ്രയോഗത്തില്‍ ഒരു ശരികേടുണ്ട് ..രാവിലെ നോക്കുമ്പോള്‍ മരമില്ല എന്നത് എനിക്ക് മനസ്സിലായില്ല ,അത്രക്കും വിദഗ്ടമായാണ് മോഷണം ,
ചന്ദന മരത്തിന്റെ ചില്ലകളും കൊമ്പുകളും ഉള്ള മുകള്‍ഭാഗം കയറുകൊണ്ട് മറ്റു മരങ്ങളിലേക്ക് വലിച്ചു കെട്ടിയിട്ടാണ് തടി മാത്രം അറുത്തു കൊണ്ടുപോയത് .
നോക്കുമ്പോള്‍ മരം അവിടെത്തന്നെയുണ്ട്‌ ഭൂമിയുമായി ഒരു ബന്ധവുമില്ല എന്നെ ഉള്ളൂ ..

ചന്ദനക്കൊള്ള എന്ന് കേട്ടാല്‍ ആദ്യം ഓര്‍മ വരുന്നത് സാക്ഷാല്‍ വീരപ്പനെയാണ് ,
പാവം വീരപ്പന്‍ എല്ലാ കൊള്ളയും അയാളുടെ തലയിലായിരുന്നു ജീവിച്ചിരുന്ന കാലത്ത് ,
ഇതിപ്പോള്‍ മോഷ്ടാവ് അടുത്തെവിടെയോ ഉള്ളവനാണ് ,തീര്‍ച്ചയായും ഒരിക്കലെങ്കിലും ഞാന്‍ കണ്ടിട്ടുള്ള ഒരാള്‍ എന്നെപ്പോലെ പുലര്‍ച്ചയിലോ വൈകുന്നെരത്തോ ചന്ദനത്തെയും നോക്കി ചില പ്ലാനുകളുമോക്കെയായി പലവട്ടം നടന്നിട്ടുണ്ടാവും അയാളും ഇത് വഴി .
ഏതൊരു മോഷണവും ആദ്യം ഒരു അരക്ഷിത ബോധമാണ് നമ്മില്‍ ഉണര്‍ത്തുക.
ഈശ്വരാ , ഇന്നലെ ഞാന്‍ ഉറങ്ങിക്കിടക്കുമ്പോള്‍ കുറേപ്പേര്‍ അതിക്രമിച്ചു ഇത്രയും ചെയ്തുവല്ലോ എന്ന ഒരു ഭയം പൊടുന്നനെ നമ്മെ പിടികൂടും ,പിന്നെയാണ് മുതല്‍ നഷ്ടത്തെ കുറിച്ചുള്ള ചിന്തകള്‍ കയറിവരിക.

ചന്ദന മോഷണത്തില്‍ രണ്ടാമത് പറഞ്ഞ കാര്യം ഇല്ല ,കാരണം ആരുടെ പറമ്പില്‍ നില്‍ക്കുന്നതായാലും ചന്ദനം സര്‍ക്കാരിന്റെയാണ് ,സര്‍ക്കാര്‍ മുതല്‍ കട്ട് പോയാല്‍ നമുക്കെന്തു ചേതം ,അത്രയ്ക്ക് പൌര ബോധമോക്കെയെ മഹത്തായ രാജ്യം നമ്മെ പഠിപ്പിച്ചിട്ടും ഉള്ളൂ ..

മൃദുവും ഊഷ്മളവുമായ സ്വന്തം പരിമളമാണ് ചന്ദനത്തിന്റെ ശത്രു ,
അനുഗ്രഹം തന്നെ നിഗ്രഹകാരിയായി മാറുന്ന അവസ്ഥ ,ആനക്ക് അതിന്റ മനോഹരമായ കൊമ്പ് പോലെ ..

ചന്ദനം എന്ന് കേള്‍ക്കുമ്പോള്‍ തന്നെ മനസ്സിലേക്ക് ഓടിയെത്തുക സൌമ്യമായ സൌന്ദര്യമാണ് ,തുളസിക്കതിരുപോലെ നിര്‍മലമായ ഒന്ന് ,ഈറന്‍ ഉണങ്ങാത്ത വസ്ത്രവും ,തുമ്പ് കെട്ടിയ ചുരുള്‍ മുടിയും,തുളസിക്കതിരും നെറ്റിയില്‍ വരഞ്ഞ ചന്ദനവും.
ശാലീന സൌന്ദര്യമെന്ന സ്വപ്നസങ്കല്പത്തിന്റെ അടിത്തറ തന്നെ അങ്ങിനെയായിരുന്നുവല്ലോ നഷ്ടമായിപ്പോയ ആ കാല്‍പനിക നാളുകളില്‍ .

അഹംഭാവത്തിന്റെയും ,പ്രൌടിയുടെയും നേരടയാളമായി ചന്ദനം വരുന്നത് പിന്നീടാണ്‌ ,
"കോലത്തു നാട്ടിലെ തമ്പുരാന്റെ തംബുരാട്ടിക്കൊരു കട്ടില്‍ വേണം ....."എന്ന് പാടിതുടങ്ങുന്ന കഥാ പ്രസങ്കമില്ലാതെ ഒരു സ്കൂള്‍ യുവജനോത്സവവും നടക്കാറില്ല ഞങ്ങളുടെ ചെറുപ്പത്തില്‍ ,അന്കണത്തൈമാവിലെ ആദ്യത്തെ പഴവും, മലയപുലയന്റെ മുറ്റത്തെ വാഴയും മുന്‍പിലോ പിന്‍പിലോ വരും .

പറഞ്ഞു വന്നത് ചന്ദന മരം കളവു പോയതിനെക്കുരിച്ചാണ്,കാടുകയറി വാക്കുകള്‍ എങ്ങോട്ടോ പോയി

ചന്ദനം മുറിച്ചു പോയി എന്നറിഞ്ഞപ്പോള്‍ വല്ലാതെ വിഷമം തോന്നി ,
അത്യാവശ്യത്തിനാണെങ്കില്‍ പോലും ഏതു മരം മുറിക്കുന്നത് കാണുമ്പോഴും മനസ്സില്‍ ഒരു പ്രയാസമാണ് ..പ്രിയപ്പെട്ടവരാരോ ഇല്ലാതാകുന്നത് പോലെയാണ് അത് ..ഇതിപ്പോള്‍ നിത്യവും കാണുന്നതും ചന്ദനം പോലെ അപൂര്‍വവുമായ ഒന്നാകുമ്പോള്‍ പ്രത്യേകിച്ചും ......
പക്ഷെ വളരെ പൊടുന്നനെയാണ് മനസ്സില്‍ മറിച്ചൊരു ചിന്ത തെളിഞ്ഞത് ,
മോഷ്ടാക്കളെ ക്കൂടാതെ ചന്ദനമരത്തിന്റെ നാശത്തില്‍ സന്തോഷം കൊള്ളുന്ന കുറച്ചു പേരെക്കൂടി എനിക്ക് പെട്ടെന്ന് ഓര്‍മ വന്നു ...പേരറിയുന്നതും അല്ലാത്തതുമായ കുറെയേറെ മരങ്ങള്‍ ,
ദീര്‍ഘ കാലത്തെ അടിമത്തത്തില്‍ നിന്ന് മോചിതരയവരെ പോലെ ദുര്‍ബലരെങ്കിലും ഇലകളും ശിഖരങ്ങളും വീശി അവ ആഹ്ലാദത്തോടെ നൃത്തം ചെയ്യുന്നതായി എനിക്ക് തോന്നി ......

ഈ ചന്ദനമരമുണ്ടല്ലോ വല്ലാത്ത ഒരു ചതിയനാണ് ,സ്വന്തംമായി പണിയെടുക്കാത്ത ഒരു സുഖിയന്‍ ..പരമ സ്വതികനെപ്പോലെ പരിമളവുമായി ശോഭിക്കുന്നുവെങ്കിലും മറ്റുള്ളവന്റെ മുതല്‍ കട്ട് തിന്നുന്ന തെളിഞ്ഞ കള്ളന്‍ ,
കുടിയാന്മാരുടെ കുമ്പിളില്‍ കയ്യിട്ടു വാരിയുരുന്ന ചന്ദനം പൂശിയ പഴയ ഫ്യൂഡല്‍ പ്രഭുവിന്റെ നേര്‍ ക്രൌര്യവും കൌശലവുമുള്ളവന്‍ ,
ഉന്മൂലനത്തില്‍ ആഹ്ലാദമല്ലെ വേണ്ടത് എന്നായി എന്റെ ചിന്ത ...

കഥയറിയാത്തവര്‍ക്കായി ചന്ദനത്തിന്റെ ശാസ്ത്രം കുറച്ചു പറയാം ..
ചന്ദനം ഭാഗിഗമായി ഒരു പരോപന്ന സസ്യമാണ് (semi parasite ) ,മറ്റുള്ള സസ്യങ്ങളുടെ വേരുകളിലേക്ക് സൂത്രത്തില്‍ സ്വന്തം വേരുകള്‍ ഇറക്കി അവയുടെ അന്നം മോഷ്ടിച്ചാണ് ഇഷ്ടന്റെ സുഖ ജീവിതം ,
അതില്‍ തന്നെ മൂപ്പര്‍ക്ക് വലിപ്പ ചെറുപ്പം ഒന്നും ഇല്ല ,തീരെ ദുര്‍ബലരായ ചില പുല്ലിനങ്ങള്‍ തുടങ്ങി വന്മരങ്ങള്‍ വരെയുള്ള മുന്നൂറോളം ഇരകളുണ്ട് തമ്പുരാന് ,ഈ സാധുക്കളുടെ അധ്വാനം മുതലാക്കിയാണ് സുഗന്ധവും പരത്തിക്കൊണ്ട്‌ മൂപ്പരങ്ങനെ സരവമാന്യനായി വിരാജിക്കുന്നത് ...

ഈ കള്ള തിരുമാലിയെയാണ് സര്‍ക്കാര്‍ അതിന്റെ സര്‍വ സന്നാഹങ്ങളും ഉപയോഗിച്ച് സംരക്ഷിക്കുന്നതും ,ഇങ്ങേര്‍ക്ക് തീറ്റ ഒരുക്കിയ ചെടികളെയൊക്കെ ചുള്ളിക്കംബായും വിറകായും നാട്ടുകാര്‍ വെട്ടിയൊടിക്കുമ്പോള്‍ ചന്ദനത്തിന്റെ ഇലയ്ക്കും പൂവിനും വരെ കാവല്‍ നില്‍ക്കുകയാണ്‌ സര്‍ക്കാര്‍ ...

അങ്ങിനെയോര്‍ക്കുമ്പോള്‍ സാമൂഹ്യ ജീവിതത്തിന്റെ ഒരു നേര്‍പ്പകര്‍പ്പുണ്ട് ഇവിടെയും
,ചിലര്‍ അങ്ങിനെയാണ് കട്ടും,മോഷ്ടിച്ചും , ചതിച്ചും കൊലപ്പെടുത്തിയും നേടിയ നേട്ടങ്ങളുമായി ചിരിച്ചും സൌമ്യമായും നിങ്ങള്‍ക്കുമുന്നില്‍ നില്‍ക്കും
പ്രശസ്തിയുടെ വെള്ളിവെളിച്ചം അവര്‍ക്കുമേല്‍ എല്ലായ്പോഴും ഉണ്ടാകും .
ജനസമ്മതിയുടെയും അധികാരത്തിന്റെയും സുരക്ഷാവലയങ്ങള്‍ അനവധിയുണ്ടാകും അവര്‍ക്ക് ചുറ്റും എല്ലാ നേരവും .
അവര്‍ക്ക് വളവും വെള്ളവുമായവര്‍ കാഴ്ചയുടെ അതിരുകളില്‍ പോലും പ്രവേശിക്കാന്‍ അനുമതിയില്ലാതെ ദുരിതങ്ങളുടെ ഇരുളില്‍ എന്നേക്കും ഉപേക്ഷിക്കപെട്ടവര്‍ ...
ലോക നീതി ഇങ്ങിനെയോക്കെതന്നെയാണ് വര്‍ത്തമാനത്തില്‍ ..

"ചന്ദന ലേപ സുഗന്ധം "എന്ന് കേള്‍ക്കുമ്പോള്‍ പണ്ടത്തെപ്പോലെ തരളിതമാവുന്നില്ല മനസ്സ് "ചന്ദനത്തില്‍ കടഞ്ഞെടുത്ത സുന്ദരീശില്പം "വല്ലാതെ മോഹിപ്പിക്കുന്നുമില്ല ..
കഥയിങ്ങനെയെങ്ങില്‍ ചന്ദനമൊന്നിനെയും ചാരാന്‍ ഇടവരുത്തരുതേ എന്ന ഒരു പ്രാര്‍ത്ഥന കൂടിയാകാം എന്നുമുണ്ട് മനസ്സില്‍ ...

വേലികളെ തിന്നു തീര്‍ത്ത മതിലുകള്‍ .....

2009-02-08T22:34:00.000-08:00

പാരിസില്‍ വ്യാപാരമുള്ള കാട്ടിക്കുളം ഭരതന്‍ എന്ന പ്രവാസിയാണ് ആദ്യമായി കൂറ്റന്‍ മതിലും അതിഭയങ്കരന്‍ ലോഹത്തകിടുകള്‍ കൊണ്ടുള്ള ഗേറ്റുമൊകെയായി ഞങ്ങളുടെ നാട്ടിന്‍പുറത്തെ അഹംഭാവിയായ ആദ്യത്തെ വീട് പണിയുന്നത്. കുറച്ചു നാളുകള്‍ക്കു ശേഷം ഇരിങ്ങാലക്കുട ബസ് സ്റ്റാന്റില്‍ നിന്നും അലെങ്ങാടന്‍ പാത്രകമ്പനിയുടെ മുന്നിലൂടെ ക്രൈസ്റ്റ് കോളേജിലേക്ക് പോകുന്ന വഴിയില്‍ ഇന്നസെന്റിന്റെ അനിയന്‍ വെല്‍സ് താമസിച്ചിരുന്ന തറവാട് വീടിന്റെ എതിരിലായി മറ്റൊരു വലിയ വീടും വന്നു.

റിമൊട്ട് കണ്‍ട്രോളര്‍ ഉപയോഗിച്ച് തനിയെ തുറക്കുന്ന വലിയൊരു ഗേറ്റും അതിനടുത്ത കാവല്‍ക്കാരന്റെ മുറിയുമായിരുന്നു അന്നത്തെ സംസാരവിഷയം.
പിന്നെ ഇന്നസെന്റിന്റേതടക്കം ധാരാളം വലിയ വീടുകള്‍ വന്നുനിറഞ്ഞു. പോകെ പോകെ ഉയര്‍ന്നു നിരന്നു നില്‍ക്കുന്ന പടുകൂറ്റന്‍ വീടുകള്‍ക്കിടയില്‍ വഴിയറിയാതെ വന്നുപെട്ട പോലെ ബാക്കിയായ ചുരുക്കം ചില ഓടുമേഞ്ഞ വീടുകളായി അത്ഭുതക്കാഴ്ച്ചകള്‍. വലിയ വീടുകള്‍ എന്നതിനേക്കാള്‍
വലിപ്പമേറിയ ഗേറ്റും മതിലും എന്നതായിരുന്നു ഞാന്‍ നടേ പറഞ്ഞ വീടുകളുടെ പ്രത്യേകത ,അത് അത്ര പരിചിതമായിരുന്ന ഒന്നായിരുന്നില്ല ഞങ്ങള്‍ക്ക് .

കാട്ടികുളം ഭരതന്റെ വീട് നിന്നിരുന്ന തെങ്ങിന്‍ പറമ്പില്‍ പ്രശസ്തമായിരുന്ന ഒരു കള്ള്ഷാപ്പായിരുന്നു അതിനു മുന്‍പ് ,ഇത്ര മനോഹരമായ വീട് വെച്ചിട്ടും ഇരിങ്ങാലക്കുട തൃപ്രയാര്‍ ബസ്, വീടിനു മുന്നില്‍ നിര്‍ത്തുമ്പോള്‍ കിളികള്‍ 'ഷാപ്‌ ,ഷാപ്‌' എന്നുതന്നെ ഉറക്കെ വിളിച്ചു പറഞ്ഞുകൊണ്ട് ആ വീടിന്റെ
അഹംഭാവത്തെ നിരന്തരം തല്ലിക്കെടുത്തികൊണ്ടിരുന്നു.

ഞാന്‍ പറഞ്ഞുകൊണ്ട് വന്നത് മതിലുകളെകുറിച്ചാണ്, മതിലുകളെകുറിച്ച് സംസാരിക്കെണ്ടിവന്നത്, ഞാന്‍ വേലികളേക്കുറിച്ചു പറയാന്‍ ആഗ്രഹിക്കുന്നു എന്നത് കൊണ്ടാണ് .

വലിയ മതില്‍ പണിയുന്നതിനു മുന്‍പ് ഷാപ്പിനെച്ചുറ്റി മനോഹരമായ ഒരു വേലിയുണ്ടായിരുന്നു ആ പറമ്പിന്.ഇന്നത്തെപ്പോലെ ചെറുപ്പക്കാര്‍ ധാരാളമായി ഷാപ്പുകളില്‍ കയറുക പതിവില്ലാത്തതിനാല്‍ കുറിയ മുണ്ടുടുത്ത ചെത്ത് കാരുടെയും ,വലിയ മീശയുള്ള കുടിയന്മാരുടെയും ഭാഗിക ദൃശ്യവും,ഷാപ്പില്‍ വെന്തു കൊണ്ടിരിക്കുന്ന പലതരം കറികളുടെ എരിവു ഗന്ധവും ആ വേലിക്കുള്ളിലൂടെ നൂണ്ടും പതുങ്ങിയുമാണ് ഞങ്ങളില്‍ എത്തിക്കൊണ്ടിരുന്നത് .

നീരോലി എന്ന് വിളിക്കുന്ന എവിടെ ഒടിച്ചുകുത്തിയാലും പൊടിച്ചു പടരുന്ന ഒരുചെടിയായിരുന്നു ആ വേലിയില്‍ അധികഭാഗവും ,ചെറിയ മുന്തിരിപോലെ നിറയെ വയലറ്റ് പഴങ്ങള്‍ തൂങ്ങിനിന്നിരുന്ന അതിനെ ഞങ്ങള്‍ കുട്ടികള്‍ മഷിക്കായ ചെടി എന്നും വിളിച്ചു പോന്നു ,അതിനിടയില്‍ എപ്പോഴും നിറയെ പൂക്കളുമായി ഉയര്‍ന്നു നില്‍ക്കുന്ന മുളകുചെംബരത്തി,കടുത്ത പച്ചപ്പിനിടയില്‍ നിന്നും ഇടയ്ക്കിടെ തലനീട്ടുന്ന അഗ്നിപുഷ്പങ്ങള്‍ പോലെ തീപ്പൊരി എന്ന വള്ളിചെടിയുടെ കുഞ്ഞന്‍ പൂവുകള്‍ , അവിടവിടെയായി കാവടിപോലെ വര്‍ണപൂ ക്കുലകള്‍ തലയില്‍ ചൂടി കാടാറുമാസം എന്ന് വിളിപ്പേരുള്ള ഹനുമാന്‍ കിരീടം ,ഞങ്ങള്‍ പേരറിയാതെ ശംഖു പുഷ്പം എന്നുവിളിച്ചുപോന്ന നീലകോളാംബിയും ഒറിജിനല്‍ ശംഖു പുഷ്പവും ..

താനിശ്ശേരിയിലെ വീട്ടിലേക്കുള്ള മണല്‍ വഴിയുടെ രണ്ടുകരകളിലും നിറഞ്ഞു തിങ്ങിയ വേലി വ്യത്യസ്തമായിരുന്നു
എപ്പോഴും ഇരുണ്ട പച്ചപ്പുമായി നിറഞ്ഞു നിന്നിരുന്നത് ഇപ്പോള്‍ തീരെ കാണാതായ കരിങ്ങോട്ട മരങ്ങളായിരുന്നു ,മാങ്ങാ മാലയിലെ പതക്കങ്ങള്‍ പോലെയുള്ള പച്ചയും പഴുത്തതുമായ കായ്ക്കുലകള്‍ തൂങ്ങുന്ന മരത്തില്‍ നിറയെ പുളിയുറുമ്പുകള്‍ ആയിരുന്നു

പിന്നെ വെളിച്ചത്തിനായി മത്സരിച്ച് മുകളിലേക്കുയര്‍ന്ന് സ്വന്തം ഭാരത്താല്‍ ചരിഞ്ഞ് വഴിക്ക് മുകളില്‍ തണുപ്പിക്കുന്ന മേല്ക്കൂരയോരുക്കി നെടുനീളന്‍ കൈതകള്‍
കൈതപ്പൂവിന്റെ മനമോര്‍ക്കാത്ത ആരെങ്ങിലുമുണ്ടാകുമോ നാല്പതു കടന്നവര്‍ ?

സുഗന്ധങ്ങള്‍ കുപ്പികളില്‍ വന്ന് മൂക്കിനെ വശീകരിച്ചു വഷളാക്കും മുന്‍പ് കാറ്റില്‍ കലര്‍ന്ന് ഞാനൊന്നുമറിഞ്ഞില്ലേ എന്നാ മട്ടില്‍ മുഖത്തുരുമ്മി ബ്രമിപ്പിച്ചിരുന്നു കൈതപ്പൂവും ,ഇലഞ്ഞിയും ചെബകവുമൊക്കെ ...

അതിന്റെ ഇടയിലായിരുന്നു ചെമ്മീന്‍ പുളി എന്ന് പേരുണ്ടായിരുന്ന മുള്‍ചെടി
ഇളംപുളിപ്പുള്ള അതിന്റെ പരുപരുത്ത ഇലകള്‍ തിന്നു നോക്കാത്ത ഒരു കുട്ടിയുമുണ്ടായിരുന്നില്ല ഞങ്ങളുടെ നാട്ടില്‍ അന്ന് ....ഇളം മഞ്ഞയില്‍ വിരിഞ്ഞു നിറയുന്ന വെല്‍വെട്ടു പോലെയുള്ള അതിന്റെ പൂവിന്റെ തവിട്ടുനിറമുള്ള ഉള്ളിതല്‍ പേന മൂടികൊണ്ട് അമര്‍ത്തി മുറിച്ച് ഞങ്ങളുടെ കൂട്ടുകാരികള്‍ സ്റ്റിക്കര്‍ പൊട്ടുകള്‍ ഉണ്ടാക്കി...
പിന്നെ ഭംഗി കൊണ്ട് പ്രലോഭിപ്പിച്ചും വിഷം കൊണ്ട് ഭയപ്പെടുത്തിയും കുന്നിമണികള്‍ ..വേലിയില്‍ പടര്‍ന്ന വള്ളികളില്‍ നിന്നും താഴെ വീണു കിടന്ന് ഇത്തിരിക്കരുപ്പിന്റെയും കടുംച്ചുവപ്പിന്റെയും അതുല്യമായൊരു കോമ്പിനേഷന്‍ കൊണ്ട് കുന്നിക്കുരുക്കള്‍ കുഞ്ഞുങ്ങളെ പ്രലോഭിപ്പിച്ചു ..
അന്ന് വല്ലപ്പോഴും മാത്രം കേള്‍ക്കുന്ന ആത്മഹത്യകളിലെ പ്രധാന വില്ലന്‍ ഈ കുന്നിക്കുരുക്കലായിരുന്നു ,പിന്നെ അന്ന് കണ്ടു പരിചയമില്ലാതിരുന്ന ഉമ്മത്തിന്‍ കായയും(ഞാന്‍ വല്ലാതെ തേടി നടന്ന മറ്റൊരു കായയുണ്ട് "ഒതളങ്ങ" .. കാട്ടൂര്‍ സ്കൂളിലെ പരിഷ്കാരിയായ ഒരു അദ്ധ്യാപികയെ കുട്ടികള്‍ "ഒതളങ്ങ ടീച്ചര്‍ "എന്നായിരുന്നു വിളിച്ചു വന്നിരുന്നത് ,അതെന്തു കൊണ്ടാവാം എന്നാ കൌതുകത്തില്‍ നിന്നാണ് എന്റെ ഒതളങ്ങ തിരയല്‍ ആദ്യം ആരംഭിക്കുന്നത് ,പിന്നെ വെള്ളത്തിലൂടെ വിത്തുവിതരണം നടത്തുന്ന ചെടി എന്നതിന്റെ ഉദാഹരണമായി സയന്‍സ് ടീച്ചറും അത് തന്നെനിര്‍ബന്ധിച്ചു പഠിപ്പിച്ചു ,തോട്ടിറമ്പില്‍ നില്‍ക്കുന്ന തെങ്ങില്‍ നിന്ന് വീണ തേങ്ങകള്‍ വെള്ളത്തിലൂടെ ഒഴുകിപോകുന്നത്‌ നിത്യവുംകാണുന്ന എന്നെ അവര്‍ ഒതളങ്ങ ,ഒതളങ്ങ എന്ന് ഇമ്പോസിഷന്‍ എഴുതിച്ചുകൊണ്ടെയിരുന്നു)

വീട് നില്‍ക്കുന്ന പറമ്പിലെ വേലി തീര്‍ത്തും വ്യത്യസ്തമായിരുന്നു ,കിട്ടാവുന്ന തരം ചെടികളൊക്കെയും അമ്മ വേലിക്കല്‍ നട്ടു,മൈലാഞ്ചി ,ചെമ്പരത്തി ,ഗന്ധരാജന്‍,നന്ദ്യാര്‍വാട്ടം,

ഒരുതരം ചീര , പലവിധംകോഴിവാലന്‍ എന്നിങ്ങനെ എന്തും ..
വര്‍ഷാവര്‍ഷം ഇല്ലിമുള്ളും(പടല് എന്നാണ് മുളയെ ഞങ്ങള്‍ വിളിച്ചു കൊണ്ടിരുന്നത് ,നാടാകെ ചുറ്റിയിട്ടും,മുളയുടെ പറുദീസയായ വയനാട്ടിലെത്തിയിട്ടും ആ ഒരു പേര് ഞാന്‍ പിന്നീടെങ്ങും കേട്ടിട്ടുമില്ല )അട്യ്ക്കാമരത്തിന്റെ വാരികളും കൊണ്ട് കുറുമ്പന്‍ പുലയന്‍ എല്ലാ വര്‍ഷവും അവയെ ബലപ്പെടുത്തിക്കൊണ്ടിരുന്നു.

പട്ടിയുണ്ട് സൂക്ഷിക്കുക എന്നാ ബോര്‍ഡും നെഞ്ചില്‍ തൂക്കി "കടന്നു പോകരുത് "എന്ന് ആക്രോശിക്കുന്ന തരം മതിലുകളുടെ ക്രൌര്യമായിരുന്നില്ല ആ വേലിക്ക് ,വരൂ ,വരൂ എന്ന് സ്നേഹത്തോടെ അത് പരിചയക്കാരോട് ചിരിക്കുകയും ,ആരാ മനസ്സിലായില്ലല്ലോ എന്ന് അപരിചിതനോട് സൌമ്യമായി സംശയപ്പെടുകയും ചെയ്തു ..

കെട്ടഴിച്ചു വിട്ടു പോറ്റുന്ന അപ്പുനായരുടെ പശുക്കളെയും ,സരോജിനി ചേച്ചിയുടെ ആടുകളെയും മാത്രമായിരുന്നു അമ്മക്ക് തടുത്തു നിര്‍ത്തെണ്ടിയിരുന്നത് ,അവയാകട്ടെ മിക്കപ്പോഴും ആ ദുര്‍ബല പ്രതിരോധത്തെ തകര്‍ത്ത് അകത്ത് കടക്കുകയും എനിക്ക് ധാരാളമായി വഴക്ക് കേള്‍ക്കാനുള്ള അവസരം ഉണ്ടാക്കിവെക്കുകയും ചെയ്തു

വെളാനിയിലെ സ്കൂള്‍ നിന്നിരുന്ന സ്ഥലം ചരല്‍ പ്രദേശമായിരുന്നു ,ധാരാളം കല്ലുവെട്ടുകുഴികളുള്ള ചെമ്മന്നു നിറഞ്ഞ പ്രദേശം ,എന്റെ ചങ്ങാതി വര്‍ഗ്തീസിന്റെതടക്കം ധാരാളമായി ക്രിസ്ത്യാനി വീടുകളുണ്ടായിരുന്നു ആ വഴിയില്‍ ,ബോഗ്ഗൈന്‍ വില്ലകള്‍ കൊണ്ടുള്ള നിറമുള്ള വേലികളായിരുന്നു ആ വീടുകള്‍ക്ക് ,ബോഗ്ഗിനവില്ല എന്ന പേരൊന്നും പരിചയമുണ്ടായിരുന്നില്ല ഞങ്ങള്‍ക്ക് ,കടലാസ് പൂക്കള്‍ എന്നാണ് ഞങ്ങള്‍ ഞങ്ങള്‍ പറഞ്ഞിരുന്നത്
ക്രിസ്ത്യാനികളുടെ വീടിന്റെ അടയാളമായാണ് കടലാസ് പൂക്കളെ ഞങ്ങള്‍ കുട്ടികള്‍ അന്ന് മനസ്സിലാക്കിയിരുന്നത് ,കടലാസ്സു കൊണ്ടുള്ള തോരണങ്ങളും ക്രിസ്ത്യാനികളുടെത് മാത്രമായിരുന്നു അന്ന് ,മുറ്റത്തു കുത്തി നിറുത്തിയ വലിയ വാഴ പിണ്ടികളില്‍ കടലാസ് കൊടികള്‍ ഭംഗിയായി കുത്തിവെച്ചും,കടലാസ് തോരണങ്ങള്‍ തൂക്കിയും അവര്‍ പിണ്ടിപ്പെരുന്നാല്‍ ആഘോഷിച്ചു ,പിണ്ടിപെരുന്നാളിനു ശേഷമുള്ള ദിവസങ്ങളില്‍വര്‍ണകടലാസുകളും ,അല്ലാത്തപ്പോള്‍ കടലാസ് പൂക്കളും കുപ്പിവെള്ളത്തില്‍ ഇട്ടു വെച്ച് ഞങ്ങള്‍ വെള്ളത്തിനു നിറം ചേര്‍ത്തു ..

ചുവപ്പും വെള്ളയും പൂക്കളുള്ള ബോഗൈന്‍ വില്ലകള്‍ അതിരിടുന്ന ചെറിയ മുറ്റം ..മുറ്റത്ത് ഉണക്കാന്‍ നിരത്തിയ നാളികേര മുറികള്‍ ..നാളികേര വെള്ളത്തിന്റെ പുളിപ്പിക്കുന്ന മണം,ഉണക്കമാന്തളിന്റെ തലപോലെയുള്ള വെന്തിങ്ങയും കഴുത്തില്‍ തൂക്കി ഷര്‍ട്ടിടാതെ ഇറയത്തിരിക്കുന്ന വര്‍ക്കി മാപ്ല ....
ലാലുപ്രസാദ് യാദവ് എന്ന മന്ത്രിയെ ടെലിവിഷനില്‍ കാണുമ്പോഴൊക്കെ ഞാന്‍ വര്‍ക്കി മാപ്ലയെ ഓര്‍മ്മിക്കുകയും ഈ ദ്രിശ്യങ്ങളിലേക്ക് അറിയാതെ തലകുത്തിവീഴുകയും ചെയ്യുന്നു ..

വീട്ടു പറമ്പിലെ വേലികളെക്കാള്‍ കുറേക്കൂടി വന്യ സ്വഭാവമുള്ളവയായിരുന്നു പുറം പറമ്പുകള്‍ എന്ന് ഞങ്ങള്‍ വിളിച്ചു പോന്ന ആള്‍താമസമില്ലാത്ത പറമ്പിലെ വേലികള്‍.
കള്ളിചെടികളും,കൊങ്ങിണിയും ഇടതൂര്‍ന്നു വളര്‍ന്നു നിന്നിരുന്ന അതിരില്‍ പുന്നയും മരോട്ടിയും കാഞ്ഞിരമരങ്ങളും വളര്‍ന്നു നിന്നു.മരത്തണലില്‍ വളരുന്ന പാണല്‍ ചെടികള്‍ക്കിടയിലെ എലികള്‍ തീര്‍ത്ത മാളങ്ങളില്‍ മൂര്‍ഖന്‍ പാമ്പുകള്‍ സുഖ വിശ്രമം കൊണ്ടു..
തേങ്ങയും മടലും പെറുക്കാന്‍ വരുന്ന ചെറുകിട മോഷ്ടാക്കളെ ഒഴിച്ച് മറ്റെല്ലാവരെയും ഭയം കൊണ്ട് അത്തരം വേലികള്‍ അകറ്റി നിറുത്തി .
നന്നായി പഴുത്ത മുള്ളന്‍ പഴങ്ങളും ,പഴുത്ത പാണലും വല്ലാതെ പ്രലോഭിപ്പിക്കുമ്പോള്‍ പോലും കുട്ടികള്‍ അത്തരം വേലികളില്‍ നിന്നും മനപ്രയാസത്തോടെ അകന്നു നിന്നു .

അങ്ങനെ എത്രയോ തരം വേലികള്‍ ..
നായ്ക്കരിമ്പ് എന്ന് വിളിച്ചുപോന്ന കരിമ്പുപോലെയുള്ള ചെടികള്‍ തിങ്ങിനിരഞ്ഞിരുന്ന വേലിയുമായി പാവടിപാലത്തിനടുത്തു തോട്ടിറമ്പില്‍ കുമാരേട്ടന്റെ ചെറിയ വീടുനിന്നിരുന്നു ,തെക്കേ താനിശ്ശേരിയിലെ വേലന്‍ വൈദ്യന്റെ വീട്ടുവേലിയില്‍ വലിയ ആടലോടകവും ചങ്ങലംപരണ്ടയും ഇണപിരിഞ്ഞുകിടന്നു.
ഏതാണ്ടെല്ലാ വേലികളിലും മോഹിപ്പിക്കുന്ന മണവുമായി കാട്ടുചെമ്പകവും,മുല്ലയും പൂത്തുനിറഞ്ഞു....

എന്തൊക്കെയുണ്ടായിരുന്നു വേലിയില്‍.. ?എന്തില്ലായിരുന്നു വേലിയില്‍ എന്ന് ചോദിക്കുന്നതായിരിക്കും കുറേക്കൂടി എളുപ്പം ..
കുളത്തിലേക്ക് കുളിക്കാന്‍ പോകുംവഴി നാട്ടിലെ സ്ത്രീകള്‍ക്ക് ഒടിചെടുക്കാന്‍ താളിയായി നീരോലിയും ചെമ്പരുത്തിയും ,കയ്യില്‍ ചായമിടാന്‍ മൈലാഞ്ചി
കുഞ്ഞുങ്ങളുടെ മുറിവുണക്കാന്‍ മുറികൂട്ടിപാലയുടെ പശ .വലിയച്ഛന്റെ ചുമക്ക്‌ ചെറിയാടലോടകം,അമ്മക്ക് ഇത്തിരിക്കൂട്ടാന് ചീരയും കോവലും
കുഞ്ഞുങ്ങള്‍ക്ക് സ്കൂളില്‍ പോകും വഴി പൊട്ടിച്ചു തിന്നാന്‍ പലവിധം കായ്കളും പഴങ്ങളും ,സ്ലേടു മാക്കാന്‍ മഷിത്തണ്ട് ചെടി ,സ്കൂളില്‍ നേരത്തെ പോയതിന്റെ അടയാളമായി ഓടിച്ചിടാന്‍ ഇലതൂപ്പ് ,കുട്ടികള്‍ക്ക് കണ്ണില്‍ വെച്ച് തണുപ്പിക്കാന്‍ മഞ്ഞു തുള്ളിയെ കാത്തു വെക്കുന്ന പുല്ലിന്‍ തുമ്പുകള്‍, ഓണക്കാലത്ത് പൂക്കളമിടാന്‍ ധാരാളമായി പലവിധം പൂവുകള്‍ ..
അത്യാവശ്യമായി സ്വയം പ്രതിരോധത്തിനോ,ആക്രമണത്തിനോ ആയി പൊടുന്നനെ ഊരിഎടുക്കാന്‍ ഒരു വേലിപ്പത്തല്‍ ,കാക്കകള്‍ക്ക് കൂടൊരുക്കാന്‍ ചുള്ളിക്കമ്പുകള്‍ ,കുഞ്ഞിക്കുരുവികള്‍ക്ക് കൂടുവെക്കാനും,ചെലാട്ടിക്കിളികള്‍ക്ക് കലപില കൂട്ടാനും പലവിധം ചെടികള്‍ ഓര്‍ത്തെടുക്കാന്‍ ഓരോരുത്തര്‍ക്കും ഇനിയുമേരെയുണ്ടാകും വേലിയില്‍ നിന്നും .....

ചെടികള്‍ക്ക് പുറമേ ജീവിവര്‍ഗങ്ങളും കുറവായിരുന്നില്ല വേലിയില്‍
ഓണക്കാലത്ത് പൂക്കളോടൊപ്പം തുമ്പികളും നിറയും വേലിയില്‍ ,പിന്നെ ചിത്രശലഭങ്ങളുടെ വര്‍ണഘോഷം,ചുവപ്പും പച്ചയുമായി നിറംമാറി ഒളിക്കുന്ന ഓന്തുകള്‍ ,ഒന്തുകളെ ലക്ഷ്യമിട്ട് ഞാനൊന്നുമറിഞ്ഞില്ല എന്ന ഭാവത്തില്‍ ഉപ്പന്‍ എന്ന ചെമ്പോത്ത് ,കലപിലകൂട്ടികൊണ്ട് കുളക്കൊഴിത്തള്ളയും കുഞ്ഞുങ്ങളും ,അവയെ നോട്ടമിട്ട് നരച്ച വയസ്സന്‍ കീരി,പചിലകള്‍ക്കിടയില്‍നിന്നുംപൊടുന്നനെ വെളിച്ചത്താവുന്ന ഒരു പച്ചില പാമ്പ് ,വേലിക്കൂട്ടില്‍ നിന്നും ധൃതി വെച്ചിറങ്ങി എന്തോ മറന്നെന്ന പോലെ തിരിച്ചു കയറുന്ന വൃത്തിയുള്ള അരണകള്‍,ഇലകളില്‍ തൂങ്ങി ദൈവത്തിനുള്ള എണ്ണയുമായി പോകുന്ന എണ്ണക്കാരന്‍ പുഴു
ജൈവശാസ്ത്രപരമായി നോക്കുമ്പോള്‍ വളരെ ബ്രഹുത്തായ ഒരു ആവാസ വ്യവസ്ഥ കൂടിയായിരുന്നു വേലികള്‍

ഇന്നിപ്പോള്‍ മതിലുകള്‍ വേലികളെ തിന്നുതീര്‍ത്തിരിക്കുന്നു ,പലതായി പലതവണ മുറിക്കപ്പെട്ട പറമ്പുകളില്‍ നെടുകെയും കുറുകെയും വെയിലേറ്റ് മതിലുകള്‍ പൊള്ളി നില്‍ക്കുന്നു ,വല്ലപ്പോഴും പറന്നെത്തുന്ന കാക്കകള്‍ പോലും മതിലുകളില്‍ കാലുപൊള്ളി തിരിചുപറക്കുന്നു....

സ്വപ്നത്തിന്റെ ദുര്‍ബലവേലികളെ പോളിച്ചടുക്കികൊണ്ട്‌ യാഥാര്‍ത്ഥ്യത്തിന്റെ പെരും കാളഎന്നെ ഭീഷണിപ്പെടുത്തുന്നു
നഷ്ടസ്വര്‍ഗങ്ങലേക്കുരിച്ചു വിലപിച്ചുകൊണ്ടിരിക്കുന്നവന്‍ ഭീരുവും മടിയനുമാകുന്നു ,വല്ലാതെ മാറിയ ഒരു ലോകത്തില്‍ ഇത്തരം ചിന്തകള്‍ ശിക്ഷാര്‍ഹം കൂടിയാണ്

പുറത്തു പോകുന്നതിനു മുന്‍പ് വാതിലുകളും ഗേറ്റും ശരിയായി പൂട്ടിയിട്ടുണ്ടോ എന്ന് ഉറപ്പു വരുത്തുക
കഴിയുമെങ്കില്‍ താത്കാലികമായെങ്കിലും ഒരു കാവല്‍ക്കാരനെ നിയമിക്കുക
അവന്‍ വിശ്വസ്തനാണോ എന്നറിയാന്‍ മറ്റൊരാളെക്കൂടി ഏര്‍പ്പാടാക്കിയാല്‍ നന്നായി

ദേവി നയന്‍‌താര രക്ഷിക്കട്ടെ ....

2008-10-22T08:41:00.000-07:00

മലയാള സിനിമ വല്ലാത്ത ഒരു ദുര്‍ഘട ഘട്ടത്തിലുടെയാണ്‌ കടന്നു പോകുന്നത്

വൃദ്ധ മുഖങ്ങളില്‍ ചെറുപ്പത്തിന്റെ ചായം വികൃതമായി പൂശിയ സുപ്പര്‍ താരങ്ങളുടെ ഗോഷ്ടികള്‍ നിറച്ച ചവറ്റു കുട്ടകളായി അവ നന്നേ തരം താണ് പോയിരിക്കുന്നു...

ഇരുനൂറോളം പ്രിന്റുകള്‍ എടുത്ത് വീട്ടു പടിക്കല്‍ വിതരണം ചെയ്തിട്ടും ചീഞ്ഞു പോയ മത്സ്യക്കൂടക്കരുകില്‍ നിന്നെന്ന പോലെ മലയാളി ഇത്തരം ചിത്രങ്ങളില്‍ നിന്നും കൂടുതല്‍ കൂടുതല്‍ ദൂരം പാലിക്കുന്നു

തീരെ കുറഞ്ഞ മുതല്‍ മുടക്കില്‍ താരധിപത്യത്തിന്റെ നെഞ്ച് നെടുകെ പിളര്‍ന്നു കൊണ്ട് സുബ്രമന്ന്യപുരം പോലുള്ള ലളിത സിനിമകള്‍ കൊണ്ട് തമിഴന്‍ അവന്റെ ദാപ്പാംകൂത്തുകളില്‍ നിന്നും സ്വതന്ദ്രനാവുമ്പോള്‍ , ഫിലിം ഫെസ്ടിവലുകളില്‍ സ്വയം പ്രദര്‍ശിപ്പിച്ചും ,ലോക ക്ലാസ്സിക്കുകളെ കുറിച്ചു സുദീര്‍ഘം ചര്‍ച്ച ചെയ്തും നമ്മുടെ സംവിധായകര്‍ അവരുടെ ശുന്യ മസ്തിഷ്കം മനോഹരമായി മറച്ചുവെക്കുന്നു

മലയാള സിനിമയുടെ വര്‍ത്തമാന പ്രതിസന്ധിയെകുറിച്ചു താരസംഘടനയായ അമ്മ ചര്‍ച്ച ചെയ്യുകയും പ്രതിവിധിയെന്നോണം സ്വന്തമായി ഒരു സിനിമ നിര്‍മ്മിക്കാന്‍ തീരുമാനിക്കുകയും ചെയ്തപ്പോള്‍ ജീവന്‍ രക്ഷക്കുള്ള ഒരു അടിയന്തിര ശസ്ത്രക്രിയ എന്ന നിലയില്‍ മലയാളി പ്രേക്ഷകന്‍ അതിനെ ഗൌരവ പൂര്‍ണം ഉറ്റു നോക്കുകയായിരുന്നു

അമ്മക്ക്എന്താണ് ഇല്ലാത്തത് ..?
മലയാളത്തിലെ മുഴുവന്‍ താരങ്ങളുടെയും കാള്‍ഷീറ്റ് ,
എവിടെയും ഒതുകേണ്ടതില്ലാത്ത ബജറ്റ് ,
ലോകത്ത് ലഭ്യമായ സാങ്കേതികതയും ,
വ്യാപാര താല്പര്യങ്ങള്‍ക്ക് പുറത്ത്‌ നല്ല സിനിമ ,ഇന്നത്തെ അപച്ചയങ്ങല്‍ക്കെല്ലാം പ്രയശ്ചിത്തമായ ഒരു പുതിയ സിനിമ എന്ന ആശയം ,പുതിയവരും പഴയവരുമായ ആരെയും രിക്രുറ്റ് ചെയ്യാനുള്ള പിന്‍ബലം ..മനോഹരമായ ഒരു രണ്ടാം വരവ് പ്രതീക്ഷിച്ചു പോയത് തെറ്റാണോ സര്‍ ..?

പ്രതീക്ഷിക്കാന്‍ വകയുണ്ട് എന്ന് തന്നെയാണ് മനസ്സിലാവുക ,ചിത്രത്തെ ക്കുറിച്ചുള്ള പത്രക്കുറിപ്പുകള്‍ വായിക്കുമ്പോള്‍
അവയിലോന്നെങ്കിലും കാണാതെ പോയവര്‍ ദയവായി ഇതു വായിക്കുക ,മാതൃഭൂമിയുടെ വാരാന്ധ്യപതിപ്പില്‍ നിന്നും

താരങ്ങളെയും ,പ്രേക്ഷകരെയും,ഫാന്‍സുകാരെയും ഒരുപോലെ തൃപ്തിപ്പെടുത്തി പൂര്‍ത്തിയായ ചിത്രത്തിന്‍റെ തിരക്കഥ സിബി, ഉദയകൃഷ്ണ ടീമിന്റെതാണ്
ഒട്ടേറെ പ്രത്യകതകളോടെ ഒരുക്കിയ ചിത്രത്തിന്റെ പ്രധാന ഹൈലൈറ്റ് ലക്ഷങ്ങള്‍ ചിലവാക്കി ചിത്രീകരിച്ച നയന്‍താരയുടെ ഐറ്റം ഡാന്‍സ് ആണ് .......
മലയാള സിനിമ രക്ഷപെടുക തന്നെ ചെയ്യും ...
ദേവി നയന്‍‌താര രക്ഷിക്കട്ടെ

പ്രണയത്തിന്റെ വൃത്തികെട്ട സ്മാരകങ്ങള്‍

2008-09-25T18:37:00.000-07:00

ടെലിവിഷനില്‍ റിലയന്‍സിന്റെ പുതിയ പരസ്യം ദയവായി ശ്രദ്ധിക്കുക
നന്നായി പെയ്യുന്ന മഴയില്‍ വിജനമായ ദേശിയ പാതയില്‍ നിന്നും ഉത്സാഹത്തോടെ ഭാര്യയോടു സംസാരിക്കുകയാണ് അയാള്‍, വ്യക്തമായി അയാള്‍ക്ക് കേള്‍ക്കാം, അത്രക്കുമുണ്ട് സെല്‍ ഫോണിന്റെ കവറേജ് ..ഹൈവേയില്‍ മുഴുവനുമുണ്ട് സിഗ്നല്‍ ,വേറെ ആര്‍ക്കുമില്ലാത്ത സൌകര്യങ്ങളാണ് കമ്പനിക്ക്

അയാളും ഭാര്യയും വല്ലാത്ത ഒരു ത്രില്ലില്‍ ആണ് ,സൂക്ഷ്മമായ സംഗീതവും ഭംഗിയുള്ള പശ്ചാത്തലവും,കൃത്യമായ ഷോട്ടുകളും അവരുടെ ജിഞാസയെ ശരിയാം വിധം നമ്മിലേക്ക്‌ പകരുന്നുണ്ട്

അയാള്‍ എന്തോ തിരയുകയാണ് ,ഭാര്യ അയാളെ സഹായിക്കുന്നു ,അടയാളങ്ങള്‍ കൂടുതല്‍ ഓര്‍മ അവള്‍ക്കാണ് ,അതെ, മൈല്‍കുറ്റിയുടെ അടുത്ത് പൊളിയാന്‍ തുടങ്ങിയ സ്മാരക മന്ദിരത്തിന്റെ തൂണില്‍
അയാള്‍ അത് കണ്ടെത്തുക തന്നെ ചെയ്തു വിവാത്ത്തിനു മുന്‍പ് അവര്‍ നടത്തിയ പ്രണയ യാത്രക്കിടയിലെപ്പോഴോ ഒരുമിച്ചു കോറിയിട്ട പ്രണയ സൂക്തങ്ങള്‍ ...
നമുക്കു കാണാം അയാളില്‍ പഴയ കാമുകന്‍ ഉണരുന്നുണ്ട് ,
ടെലിഫോണ്‍ ചേര്‍ത്തു വെച്ച അവളുടെ കവിളുകള്‍ ചുവന്നു തുടുക്കുന്നുണ്ട് ,സംഗീതം മൃദുവായി നമ്മെ തലോടുന്നുണ്ട്‌ ..ഒരു പരസ്യം എന്ന നിലയില്‍ നൂറിനും മുകളിലാണ് നൂറില്‍ അതിന് മാര്‍ക്ക്

പ്രണയത്തിന്റെ സ്മാരകങ്ങള്‍ ഏതെല്ലാം വിധത്തില്‍ ആവാം ..?
താജ് മഹല്‍ പോലെ കെട്ടിയുയര്‍ത്തിയവ ..
വിറയ്ക്കുന്ന ചുണ്ടുകളാല്‍ നല്കിയ ഒരു പരിഭ്രമ ചുംബനം ...
ഇടവഴിയില്‍ വേറിട്ട്‌ കേള്‍ക്കുന്ന ഒരു സൈക്കിള്‍ ബെല്‍,ആള്‍ക്കൂട്ടത്തില്‍ വെച്ചു തനിക്ക് മാത്രമായി കിട്ടിയ ഒരു പാതി നോട്ടം, എന്നിങ്ങനെ മനസ്സില്‍ പതിച്ചിട്ട അനുഭവങ്ങളുടെ വര്‍ണ പൊട്ടുകള്‍ ...
അനന്തമാണ്‌ അതിന്റെ സാദ്ധ്യതകള്‍ .....ഓരോരുത്തര്‍ക്കും അവരവരുടെത് മാത്രമായവ

പ്രണയത്തിന്റെ സ്മാരകങ്ങളില്‍ ഏറ്റവും വൃത്തികെട്ടവയാണ് പൊതുസ്ഥലങ്ങളില്‍ കോറിയിടുന്ന ചപല ജല്പനങ്ങള്‍ ...
പരിഷ്ക്രത വേഷ ധാരിയായ നായകനും നായികയും മുഖം മൂടികളഴിഞ്ഞു വീണ് ജാല്യരായി നില്ക്കുന്ന ഒരു അവസാന ഷോട്ട് കൂടി വേണ്ടതുണ്ട് ആ പരസ്യ ചിത്രം പൂര്‍ത്തിയാവാന്‍ ....
എത്ര മാത്രം പ്രാകൃതരാന്നവര്‍.
സഞ്ചാരികളെത്തുന്ന ഏതാണ്ട് എല്ലാ ഇടങ്ങളിമുണ്ട് ഇത്തരം വികൃത മനസ്സുകള്‍ ,
മനുഷ്യന്‍ ശിരസ്സു നമിക്കേണ്ട മഹാ സ്മാരകങ്ങളുടെ ചുമരുകളില്‍ ,മഹാവൃക്ഷങ്ങളുടെ വേരിലും തടിയിലും ,ഉദ്യാന വൃക്ഷങ്ങളുടെ ഇലകളില്‍ പോലും പ്രണയ ചിഹ്നങ്ങള്‍ കോറിയിട്ടു സ്വന്തം അല്പത്ത്വം പ്രസ്സിദ്ധപ്പെടുത്തുന്നവര്‍ ..
നിങ്ങളുടെ പ്രണയം എത്രമേല്‍ സുന്ദരമെങ്കിലും അതിന്റെ എല്ലാ ഭംഗിയും കെടുത്തി കളയുന്നു അത്

അതെ ,പ്രണയത്തിന്റെ ഏറ്റവും വൃത്തികെട്ട സ്മാരകങ്ങളാണ് ഈ വികൃതാക്ഷരങ്ങള്‍

വാല്‍കഷണം
വായു ഇല്ല ..റേഞ്ച് ഉണ്ട്
ഭക്ഷണം ഇല്ല ..റേഞ്ച് ഉണ്ട്
വെള്ളം ഇല്ല ...റേഞ്ച് ഉണ്ട്
എന്ത് സുഖം ..ഇനി റേഞ്ച് കൊണ്ടു മാത്രം ജീവിക്കാന്‍ കഴിയുന്ന കുറച്ചു മനുഷ്യര്‍ കൂടി ഉണ്ടായാല്‍ മതി .

പ്രവാസത്തിനു വില പറയുമ്പോള്‍...

2008-07-13T02:41:00.000-07:00

പത്തു വര്‍ഷത്തെ ദുരിത പ്രവാസത്തിന്റെ വിലയെന്നാല്‍ ഏതാണ്ട് ഒരു മുഴുവന്‍ ജീവിതത്തിന്റെയും വിലയാണ് ...,

കൈവിരലുകള്‍കിടയിലൂടെ അറിയാതെ ഊര്‍ന്നു പോയ ,മനസ്സും ശരീരവും ഒരുപോലെ മുറിപ്പെട്ട ഒരു നിസ്സഹായ ജീവിതത്തിന്റെ മുഴുവന്‍ വില ..

സ്വപ്നങ്ങളില്‍ മാത്രം ജീവിച്ച ഒരു ജീവിതം ,അതി ഹ്രസ്വമായ ടെലിഫോണ്‍ സംഭാഷണത്തിലൂടെയും അതിലേറെ ദീര്‍ഘ നിശ്വാസങ്ങളിലൂടെയും പങ്കുവെക്കപെട്ട കുടുംബവിശേഷങ്ങള്‍ ,
ചിത്രങ്ങള്‍ മാത്രം സാക്ഷ്യ പെടുത്തുന്ന അവന്റെ കുഞ്ഞുങ്ങളുടെ വളര്‍ച്ച ...

ഇക്കിളിഭാഷ കൊണ്ടു പ്രവാസജീവിതത്തെ നാണംകെടുത്തുന്ന കത്തുപാട്ടുകളും പുത്തന്‍ ആല്‍ബങ്ങളും കാണാതെ പോകുന്ന അവന്റെ നിശബ്ദമായ നിലവിളികള്‍......

ഇതിനെല്ലാംചേര്‍ത്ത് വിലയിട്ടാല്‍ എത്ര വരുമത് .....?

കൊല്ലത്തില്‍ ഒരു ആറായിരം രൂപ വരുമോ ....?

ഏകദേശം അത്രത്തോളം വരുമെന്നാണ് സര്‍ക്കാര്‍ കരുതുന്നത്

കേരള നിയമസഭ പാസ്സാക്കിയ പ്രവാസി പെന്‍ഷന്‍ ബില്‍ ദയവായി ശ്രദ്ധിക്കുക
കേരളം നിങ്ങളെ സ്നേഹിക്കുന്നില്ലെന്നു ഇനിമേല്‍ പറയരുത് ...
പ്രതിമാസം അഞ്ഞൂറ് രൂപകൊണ്ട് നിങ്ങളുടെ പ്രവാസത്തിനു പ്രായശ്ചിത്തം ചെയ്യാന്‍ സര്‍ക്കാര്‍ തീരുമാനിച്ചിരിക്കുന്നു

കുറഞ്ഞത് പത്തു വര്‍ഷമെങ്ങിലും പ്രവാസ ജീവിതം നയിക്കുകയും വര്‍ഷത്തില്‍ മൂവായിരം രൂപ നിരക്കില്‍ അഞ്ചു വര്‍ഷമെങ്ങിലും മുടങ്ങാതെ വരിസ്സംഖ്യ അടക്കുകയും ചെയ്യുന്ന പ്രവാസികള്‍ക്കൊക്കെയും അവര്‍ അറുപതു വയസ്സിനു മുകളില്‍ ജീവിച്ചിരിക്കുകില്‍ പ്രതിമാസം അഞ്ഞൂറ് രൂപ പെന്‍ഷന്‍ നല്‍കാന്‍ സര്‍ക്കാര്‍ ദയവുണ്ടായി ഉത്തരവായിരിക്കുന്നു

നാണക്കേടുകള്‍ ഒരുപാടു സഹിച്ചു ശീലിച്ചവനാണ് പ്രവാസികളിലെ ദരിദ്രര്‍

ഈ ഒരു നാണം കെടുത്തല്‍ കൂടി അവര്‍ സഹിക്കുമായിരിക്കും

സഹന സമൃദ്ധമായ അവന്റെ ജീവതം അതിനവനെ സഹായിക്കട്ടെ ......

എത്ര ചെറുതായിപോയി നീ ..?

2008-07-04T10:07:00.002-07:00

എത്ര ചെറുതായി പോയി നീ ..
ഇരുപതു കൊല്ലം കൊണ്ട് എത്രമാത്രം ചെറുതായിപോയി നീ ..?

വെളുക്കാന്‍ തുടങ്ങിയ മീശയില്‍ ശ്രദ്ധയോടെ ചായം പുരട്ടുമ്പോള്‍ തറവാട്ടിലെ പഴയ കണ്ണാടിയില്‍നിന്നും പരിചിത ശബ്ദത്തില്‍ ആരോ സംസാരിക്കാന്‍ തുടങ്ങി ..

എനിക്ക് ഓര്‍മ്മയുണ്ട് നിന്നെ,
തൃശൂര്‍ നഗരത്തില്‍ നന്നായി പെയ്യുന്ന മഴയില്‍ തെല്ലും നനയാത്ത ആവേശത്തോടെ ജാഥ നയിക്കുന്നനിന്നെ
അഗ്നിജ്വാലകള്‍ പോലെ ആകാശത്തേക്ക് തെറിക്കുന്ന നിന്റെ ക്ഷീണിച്ച കയ്യുകള്‍ ...
ഒരു പ്രളയത്തിനും കെടുത്താനാകാത്ത നിന്റെ കണ്ണുകള്‍
അക്കാദമി വളപ്പിലെ സായാഹ്ന ചര്‍ച്ചകളില്‍ വേറിട്ട്‌ കേള്‍ക്കുന്ന നിന്റെ

വിയോജിപ്പുകള്‍

ലൂസിയ ഹോട്ടലിലെക്കിറങ്ങുന്ന ചെറിയ ഇടവഴിയിലെ ചാരായ ഷാപ്പില്‍ നിന്നും ആക്രോശിച്ചു തളരുന്നസുരാസുവിനെ തോളില്‍ താങ്ങി തേക്കിന്‍ കാട്ടിലേക്ക് റോഡു മുറിച്ചു കടക്കാനുള്ള നിന്റെ ശ്രമങ്ങള്‍

വാന്ഞ്ചി ലോഡ്ജിലെ വെളിച്ചം കുറഞ്ഞ മുറിയില്‍ ഈ ലോകം ഇങ്ങനെയായിപ്പോയല്ലോ എന്ന് വ്യസനിക്കുന്ന സിവിക് ചന്ദ്രന്റെ കനം കുറഞ്ഞ ശബ്ദത്തിലേക്ക് ശ്രദ്ധയോടെ തുറന്നിരിക്കുന്ന നിന്റെകാതുകള്‍

കപട നാട്യങ്ങളുടെ പരിഹാസനോട്ടങ്ങള്‍ക്ക്‌ മുന്നിലൂടെ പ്രണയസഖിയുടെ കയ്യും പിടിച്ചു ജീവിതത്തിലേക്ക് നടന്നു കയറുന്ന നിന്റെ മുഖത്ത് ജ്വലിച്ചു നിന്ന മനസ്സുറപ്പ്.......

ഇന്നിപ്പോള്‍ എത്ര ചെറുതായിപ്പോയി നീ ..

ഇരുപത്തിയഞ്ച് വര്‍ഷങ്ങള്‍ എത്രമേല്‍ മാറ്റി പണിതു നിന്നെ?

എനിക്ക് നിന്നെ മനസിലാകുന്നില്ല

ബിഗ് ബസാറിന്റെ ബില്ലിംഗ് കൌണ്ടറില്‍ തിരക്ക് കൂട്ടുന്ന ,കര്‍ഷക ജാഥ വഴിമുടക്കിയപ്പോള്‍ കാറില്‍ അസ്വസ്ഥനാകുന്ന , മകളുടെ സ്കൂള്‍ പി ടി എ യോഗത്തില്‍ പൊങ്ങച്ച പ്രസംഗങ്ങള്‍സഹിച്ചിരിക്കുന്ന നിന്നെ .

മന്ത്രിയുടെ അവലോകന യോഗത്തില്‍ കൃത്യ സമയം ഹാജരായി,വിവരകേടുകള്‍ക്ക് തലകുലുക്കുന്ന നിന്നെ ...
സത്യമായും എനിക്ക് മനസ്സിലാവുന്നില്ല ....

എന്റെ കണ്ണുകള്‍ക്ക്‌ പരിചയമില്ലാത്ത തീരെ ചെറിയ ഒരു ഫ്രെയിമിലേക്ക് നീ കയറിപോയത് എവിടെവെച്ചാണ് ?

തീരെ തണുത്ത കരിക്കുകള്‍

2008-07-02T12:44:00.000-07:00

അമല ആശുപത്രിയുടെ മുന്നില്‍ എല്ലാ കാലവും കരിക്കുകള്‍ ഉണ്ട്

വേനലിന്റെ ഉച്ചചൂടിലും , ജൂണിന്റെ മഴപ്രാന്തിലും,ക്രിസ്തമസ് കുളിരിലും പീടികകളില്‍ കുലകുലയായി പലതരം കരിക്കുകള്‍ തൂങ്ങുന്നുണ്ട്

തീരെ ഉത്സാഹം കെട്ട കരിക്കുകള്‍ .... ആശുപത്രിപരിസരത്ത്‌ എല്ലായ്പോഴും പതുങ്ങി നില്‍കുന്ന മരണം അതിന്റെ സ്പര്‍ശം കൊണ്ടു തണുപ്പിച്ച മധുരമില്ലാത്ത കരിക്കുകള്‍ ......

(un) HAPPY VISHU WISHES

2008-04-15T02:49:00.000-07:00

Many of my friends wished me a happy vishu and new year during this vishu.

Wishes for me came from everywhere by deferent ways through email .orkut , face book and mainly my friends spent more on SMS for wishing me good days..

I am sure that this is the same for you all. Received and send many wishes for this Vishu

I thank all my friends for remembering me and send good wishes for me on Vishu

But while reading all these wishes what comes to my mind first is another thought

How deserving I am to celebrate Vishu or accept a good wish for that? And this words to share the same feelings with you How deserving we all to celebrate Vishu,Onam or other harvest or seeding festivals .

We all know almost all of our celebrations including Vishu are agriculture related.. And that is why my question, how this celebrations relates you?

All news papers speaks about the high price of vegetables during this Vishu season and in all most in all television channels the real consumers directly from the markets complaints about the price hike of vegetables especially that cucumber(Kanivellari)

The minister and other civil supplies officials speaks in tons about setting up fare price stalls for vegetables during all festival seasons…

My wonder is that why nobody is speaking about producing these vegetables yourself if you feel that price is booming..

Please rewind your vishu celebrations and have a look at what all you consumed and how much of it you produced yourself. If the result says at least1% you r not a target of these words

Leave the case of new dresses new ornaments, machines brought newly , the crackers and all such things and please take the case of food you consumed only ,the rice,aviyal,sambarr,pulissery ,elissery Pickles ,frys ,the banana leaves ,plantain and other fruits and whatever it is..take the case of Vishukani if you prepared one and the number of items you displayed in it and think from where these items comes to your store and table, how much of it you produced yourself. At least few curry leaves…?

I am sure many of you not ,every thing for our daily use comes from far away places and celebrations multiplies the demand ,yes kanivellari cost you 30rupees a piece of jack fruit 40,a small bunch of flowers 25 and above ,the vegetable ,rice ,dhal, ghee and milk every thing you purchased for high rates but you never want to leave vishu or onam uncelebrated

Leave the case of festivals and celebrations, the coming days are going to be tougher, the entire world is going to face a severe shortage of food

You can’t eat air conditioners, latest mobile phones and laptops, a new generation car and high speed highway cannot feed your hungry child, International credit cards and heavily loaded bank accounts are not enough to satisfy your thirst

Please read this,Ofcourse only if you love your baby

2007-08-19T07:10:00.000-07:00

Dear friends

I know being a father or mother is a wonder full think

You cannot hide its thrill from others

We will do any thing for our child

Spent major part of your earnings to buy any thing for the new born

That is why so many products launched by various companies claiming that all for the comfort of your baby

Disposable diapers is one of such things

You can see loads of its packets in the shelves of neonatal clinics and nearby supermarkets and even in country side petty shops

This is a humble request from me never spent on this bloody commodity

Never by this for your baby or as present for your friends offspring

If you r in a condition not avoid it totally please... please limit its use

At least give me a word that you will never use it while you r indoor

A disposable diaper is a dangerous thing,

Yes it will give you little comfort in baby handling but it will never do the same for your baby

If one use these diapers a child need around 6000 to 8000 diapers prior to his toilet training and in other words 4.5 trees to make paper for that(considering that diaper usage for 2Yrs) yes 1billion trees worldwide is used per year for this purpose

Arise in infection mostly in baby girls is noticed due to its usage since parents change these diapers much less often than the cloth made ones

The incidence of nappy rashes is increased from 7% to 61 % in dispo diaper using babies this may due to infrequent changes, bacterial infection, chemical allergies and ammonia from accumulated feces and urine in the diapers

In tropical country like ours the chance for getting the rashes is higher

In the present condition there is no proper means to dispose the diapers and we handle it as normal garbage and tossed to hose hold, road side or hospital garbage bins

About more than 100 types of viruses can survive in these used diapers including the dangerous polio virus heavily found in recently vaccinated babies

Guess how much years will take to get a diaper decomposed

Not less than 500Yrs is the correct answer

Almost 30% of this nasty thing comprises of non biodegradales likeabsorbant vinyl, gelling, elastics, Velcro and its plastic made packages

Flushing the used diapers down the toilets also make serious problem of clogged sewage lines(Don’t wonder that which fool will do such things, many of our friends will do it ,not from their own homes but they will dispose this and sanitary napkins down the toilet when they are in a hotel room)

The material which used to absorb water is a chemical (sodium poly acryilate) capable of absorbing 100 time of water per its weight it can stick and dehydrate your baby’s genital and this chemical can cause hemorrhage and cardiovascular failure and death in win lab animals when injected

What is your decision after reading this?

Still pro to diapers then you can read this too

Nothing more with me to confess you about this

OK friend no problem you can use this

But never tell any one that you love your baby you have no right for that

What you mean by poverty line...?

2007-07-22T03:24:00.001-07:00

What you mean by Poverty line?

I will introduce a tribal family from Wayanad district of Kerala

This is Veran and his wife belonged to Paniya community residing at Thanniyad colony.

They are living in a primitive house in the colony

Veran was an expert in coffee proooning and plucking pepper

But because of the agrarian crisis in wayanad there is no work for him for the last 2yrs

Then he migrated to near by Karnataka town Kutta In search of work and hardly get 3days work in a week with a payment of 100rupees /day

This wages only made him to cover his own expenses for food and travel .his wife was a heart patient for years and her working capacity limited to some house hold works

You guess how much was their revenue ,considering all the above said details

Yes no doubt they are not able to meet the target of one meal per day

The interesting and most worst part of the story is that as per government records this family is APL (Above Poverty Line)

His ration card (No2264047059)says that his family is above the poverty line and he not eligible for any supporting programs

How this happening

Who is determining the standards?

What they mean by the poverty line…..?

2007-07-22T03:22:00.001-07:00

Cochins waste Who is responsible?

2006-12-08T09:10:00.000-08:00

Waste of Cochin. Who is responsible?

On 6.12 .2006 Twenty truck full load of nasty smelling waste leaving the stink and oozing polluted waste water in its entire way, reached Wayanad after traveling long 300 plus Kilometers from Cochin, covering 5 districts of kerala
Each of the trucks carrying about 10 tons of muck generated by the gentle men of great cochin , Who are very much concerned about the cleanliness and personnel hygiene and cannot tolerate the decaying and smelling waste in the city

The waste cargo traveled the entire kerala portion of its journey clearing all types of check posts run by deferent departments with routine dealings and finally caught blocked at Moolahalla forest check post of Bandipur national park in the state of Karnataka about 20 Kilometers prior to its final destination; Gundulpett, a small village with large agricultural areas and of poor farmer population.

The forest officials asked for proper documents of the waste transfer and the no objection certificate from the local authorities were it is going to be disposed
The poor truck drivers have only one photo copy of an agreement executed by one Gopalan ,Soil house ,Vadakara to the cochin corporation that he is ready to take away the waste from corporations dumping yard for proper disposal @ Rs 1365/ Metric ton ,all the drivers were booked by a lorry booking agency at cochin as return trip @Rs6000/load from Cochin to Gundulpett and the poor illiterate truck drivers thought that this is a valuable document from government and the transit will be very easy and the contractor’s men also accompanied them in separate vehicles and made all necessary dealings in all places were occurred any problem
Here at Moolahalla Check post also the problem was solved in the next day and the entire waste was dumped in a private land with an agreement that the land owner will get Rs 2000 pr load

During its no entry halt, all the twenty trucks parked in the core wild life area of Wayanad Wild life sanctuary and Bandipur national park blocking the wild life crossing especially of pachyderms and spreading the pathogens which definitely the waste materials will contain, to the pollution free wild habitat

This is the major question whether these wild animals or the poor farmers of Gundulpett were responsible for the waste generated by the ugly urban
Can we justify the action of the Corporation authorities to dispose the waste without knowing where it is going to be dumped finally?
Where all the scientific communities gone when the convoy of waste loaded trucks traveled through the five districts spreading all its stink and harmful bio organisms in its route

What is the cost of waste? Rs 1365per ton? Paying that much amount will give you license to produce another ton of waste? How these poor villagers of neighbor state are responsible for Cochins nasty waste and who gave you the authority to dump the damaging waste to his living land?
Will any one of you in Cochin allow your neighbor to dispose his waste in your living room?

Who is this contractor and what type of waste he is taking through the north kerala and through the two major wild life sanctuaries and who is inspecting and supervising the waste transfer?
Whether the land owner ship of few acres make a man licensed to dump any type of waste in it and make the surroundings polluted?

Don’t bother to answer all or any one of these questions
Go and enjoy, create as much of waste you can produce
Put a tender to take away the waste to anybody’s surroundings
Let us keep Cochin clean